![NMR-də həbs edilmiş biznesmenlərə qarşı yeni maddə ilə ittiham irəli sürülüb](https://turan.az/resized/750/500/resize/media/2013/main/011800025160.jpg)
NMR-də həbs edilmiş biznesmenlərə qarşı yeni maddə ilə ittiham irəli sürülüb
Naxçıvanda biznesmen Məhəmməd Qurbanov və kürələni Nadir Məmmədovun işi üzrə ibtidai istintaq başa çatıb.
315-ci (hakimiyyət nümayəndəsinə müqavimət göstərmə) maddəsi ilə yanaşı, onlara qarşı 221-ci (xuliqanlıq) maddəsi ilə yeni ittiham irəli sürülüb. Məhbusların vəkili Xalid Bağırov Müsavat Partiyasının ofisində keçirilən bugünki mətbuat konfransında cinayət təqibinin əsassız olduğunu bidlirib.
Xatırladaq ki, dekabrın 8-də adı çəkilən iki sahibkar Türkiyədən Naxçıvana mal gətirib. Gömrükdə onlardan yükün hər kiloqramı üçün 40 qəpik rüşvət tələb ediblər. Sahibkarlar bu pulu ödəməkdən imtina ediblər və jurnalistləri dəvət ediblər. Lakin 10-dan çox gömrükçü onlara hücum çəkib və onları döyüb. Jurnalsitlərin foto və video kameraları əllərindən alınıb, sahibkarlar isə həbs edilərək, hakimiyyət nümayəndəsinə hücumda ittiham edilib. Sonradan onlara qarşı cinayət işləri açılıb.
Yeni ittihamla bağlı şərh verən vəkil qeyd edib ki, istintaq Məmmədovun bıçaqla gömrük işçisinin əlini cızdığını iddia edir.
Saxlandıqdan sonra ilk günlərdə Məmmədovdan jurnalistləri İlqar Nəsibov və Elman Abbasovun hadisəni videoya çəkmək üçün qəsdən onu gömrük əməkdaşlarını döyməyə təhrik etdikləri barədə ifadə alıblar.
Lakin məhbus vəkillərlə görüşdə bu ifadələrini inkar edərək, işgəncə altında verdiyini bildirib.
Vəkil həmçinin Naxçıvanda insan hüquqları sahəsində vəziyyətin ümumiyyətlə cansıxıcı olduğunu bildirib. Ölkənin demokratik ictimaiyyətinin diqqəti olmadığı üçün yerli hakimiyyət özbaşınalıq və qanunsuzluq törədir.
O, siyasətçiləriə, vətəndaş cəmiyyəti fəallarını və jurnalistləri Naxçıvana daha tez-tez getməyə və insan hüquqlarına diqqət yetirməyə çağırıb.
Bağırov bildirib ki, müvəkillərinə qarşı işgəncələrə yol verilməsi dekabrın 24-də onun məhbusların müdafiəsini üzərinə almasından sonra dayanıb, belə ki, yerli vəkillər qanuna riayət edilməsini tələb etmək iqtidarında deyillər. Bağırov bildirib ki, çoxsaylı pozuntular olduğunu cinayət işinin materialları ilə bağlı 17 vəsatət verib.
AXCP sədr müavini Asəf Quliyev də yerli və beynəlxalq ictimaiyyətin NMR-dəki problemlərə diqqətinin artırılması zərurətini qeyd edib. O, beynəlxalq təşkilatların ofislərinin açılmasını, məhkumlarının hüquqları ilə bağlı vəziyyətin monitorinqi üçün BQXK nümayəndələrinin göndərilməsini zəruri hesab edir.
AXCP və İctimai Palata Məmmədovu və Qurbanovu siyasi məhbus kimi qəbul edib, belə ki, onların cinayət təqibi İctimai Palatanın regional şöbəsinə daxil olmasından 6 gün sonra başlayıb. Bundan başqa, bu insanlar əvvəllər də öz hüquqlarını fəal şəkildə müdafiə edirdilər. -06C-
-
- Siyasət
- 18 Yanvar 2013 17:00
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz