![Ded Xasan Bakı vasitəsilə PKK-nı silahla təmin edirdi?](https://turan.az/resized/media/2013/main/011800025145-750-500-resize.webp)
Ded Xasan Bakı vasitəsilə PKK-nı silahla təmin edirdi?
Türkiyə KİV-ləri “Ded Xasan” ləqəbli kriminal avtoritet Aslan Usoyanın qətlini fəal şəkildə müzakirə edir.
Moskvanın mərkəzində törədilən hadisə qətlə yetirilən şəxsin əslən kürd olması, habelə Usoyanın terrorçu Kürdistan İşçi Partiyası (PKK) təşkilatına silah satışında əli olması haqqında məlumatlar mətbuatın böyük marağına səbəb olub. “Akşam” (16.01) qəzetinin yazdığına görə, kriminal aləmdə qanlı hesablaşma nəticəsində “snayper” hücumuna məruz qalan Usoyan Rusiyada PKK üçün nəzərdə tutulmuş silah axınının təmin edilməsində mühüm rol oynayırdı.
İnformasiya mənbəyini açıqlamayan Yeni Şafak (17.01) Usoyanın PKK liderləri, xüsusən Abdulla Öcalanla şəxsi əlaqələri olduğuna diqqət çəkir. Öcalan Moskvada olduğu müddət ərzində kürd-yezid “Ded Xasan”ın evində qaldığı qeyd edilir. Qəzet Rusiyanın “Novaya gazeta” nəşrinin reportyoru Sergey Kanevin 2010-cu ildə Usoyana ilk sui-qəsd zamanı www.haberrus.com portalına bəyanatından RF DİN-dən rəsmi şəxsə istinadla PKK-ya silah ixracının Aslan Usoyan və “Şakro” ləqəbli Zaxari Kalaşov tərəfindən həyata keçirildiyi barədə sitat gətirir.
SV Press agentliyinin məlumatından sitat gətirən Milliyet (17.01) əlavə edir ki, Usoyan özünü “kürdlərin baş hamisi” adlandırırdı. 2008-ci ildə Bakıda Usoyanın “Bilo” ləqəbli bir kürdlə görüşdüyü, Türkiyə ərazisində yaşayan bəzi kürdlərin Rusiyaya yerləşdirilməsi planının müzakirə edildiyi bildirilir.
Türkiye (17.01) qəzetinin icmalçısı Rusiyada kriminal avtoritetin qətlinin və onun PKK ilə əlaqələri olub-olmamasının yeni suallar doğurduğu və Türkiyədə kürd probleminin və terrorizmin gərginləşməsi fonunda böyük çaşqınlıq yaratdığı qənaətinə gəlir. -02D-
-
- İqtisadiyyat
- 18 Yanvar 2013 16:41
-
- Cəmiyyət
- 18 Yanvar 2013 17:09
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz