Nodulyar dermatit xəstəliyinin insanlara keçmə ehtimalı yoxdur
Azərbaycanda ilk dəfə iribuynuzlu heyvanlar arasında nodulyar dermatit virus xəstəliyi yayılıb. Xəstəlik iki ay öncə ölkənin 4 rayonunda müşahidə edilib, hazırda 10 rayonda müşahidə edilməkdədir.
Azərbaycan Kənd Təsərrüfatı Nazirliyi yanında Dövlət Baytarlıq Xidmətinin mətbuat xidmətinin rəhbəri Yolçu Xanvəli
Turan agentliyinə bildirib ki, xəstəlik ilk olaraq İraq, Türkiyə və İran ərazilərində qeydə alınıb. “Azərbaycanda isə nodulyar dermatit virus xəstəliyinin kliniki əlamətləri əvvəlcə Biləsuvar, Ucar, Cəlilabad, Ağdaş, sonra isə Bərdə, Samux, Laçın, Zərdab və digər rayonlarında saxlanılan heyvanlar arasında müşahidə olunmaqdadır”, - o qeyd edib.
Xəstəliyin geniş yayılmasına havaların kəskin istiləşməsi nəticəsində virus daşıyan qansoran həşəratların aktivliyi, çoxalması, heyvanların nəzarətsiz hərəkəti, təsərrüfatlarda baytarlıq-sanitariya tələblərinə düzgün əməl edilməməsi səbəb olub.
“Dövlət Baytarlıq Xidmətinin əməkdaşları hazırda xəstəliyin yayıldığı rayonlarda işləyirlər. Xəstəliyin yayıldığı ərazilərdə karantin tətbiq edilib, ciddi dezinfeksiya tədbirləri aparılır, mal-qara bazarları müvəqqəti olaraq başlanıb. Xəstəliyin qeydə alındığı məntəqələrdən diri heyvanların çıxarılması, kəsilməsi qadağan edilib. Ət satılan bütün bazar və mağazalara baytarlıq nəzarəti gücləndirilib”, - Y.Xanvəli bildirib.
Nodulyar dermatit xəstəliyinin insanlara keçmə ehtimalı yoxdur. Yalnız iribuynuzlu heyvanlar arasında yayılır. Bu xəstəlik virus mənşəli olmaqla iribuynuzlu heyvanlarda qısa müddətli isitmə, dəri örtüyünün, limfa sisteminin, selikli qişanın zədələnməsi, dərialtı toxumalarda düyünlərin və nekrozların əmələ gəlməsi ilə səciyyələnir. Xəstəlik qansorucu həşəratlar vasitəsi ilə transmissiv yolla yalnız iribuynuzlu heyvanlar arasında yayılır. Xəstəlik heyvandarlıq məhsullarının, o cümlədən süd və ət məhsullarının azalmasına, gön-dəri məmulatının keyfiyyətinin aşağı düşməsinə səbəb olur.
Mətbuat xidmətinin rəhbərinin sözlərinə görə, ölkədə indiyədək 1600 başadək iribuynuzlu heyvan bu xəstəliyə tutulub. Hazırda 400 baş heyvan müalicə altındadır. Yalnız 11 baş heyvan yanaşı xəstəliklərin təsiri ilə ölüb. Ölmüş heyvanların üzərinə xlorlu əhəng tökülərək basdırılıb.-03B-
-
- Siyasət
- 28 Avqust 2014 14:47
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz