![Novruz gəlir](https://turan.az/resized/media/2017/main/031400185642-750-500-resize.webp)
Bu gün Azərbaycan xalqı Novruz çərşənbələrinin sonuncusu, yəni, dördüncüsü olan Yer çərşənbəsini qeyd edir.
Novruz ərəfəsində, sonuncu çərşənbədə Yer oyanır, torpaq nəfəs alır. Bu çərşənbə xalq arasında “Yer çərşənbəsi”, “İlaxır Çərşənbə” və ya "Torpaq çərşənbəsi" adlanır.
İnama görə, Torpaq çərşənbəsi yetişəndə torpaq artıq əkinə hazır olur və ona toxum səpmək olar.
Bu çərşənbələr həm də daha çox duman çökməsilə müşayiət edilir, belə ki, əski inancda “qış dumanı qar gətirər, yaz dumanı bar gətirər” kimi bir hikmət gizlənir. Həm də əski inancda bu dumanların çökməsi torpağın yumşalması, bar-bəhər verməyə hazırlaşması kimi təqdim edilir.
İlaxır çəşənbənin qulaq falına çıxmaq, təmtəraqlı bayram süfrəsi hazırlamaq, dünya nemətlərini bu süfrəyə düzmək kimi adətləri var. Bu çərşənbədə həm də şamlar yandırılar, səməni süfrə bəzəyi olar.
Bayramın atributu kimi quru çərəzlər, şəkərbura-paxlava süfrədə özünə yer alar.
Həmin gün xoş danışarlar ki, qulaq falına çıxan qız-gəlin ancaq xeyir sözlər eşitsin. Küsülülərin barışması da axır çərşənbənin tərkib hissələrindən biri sayılır və ortada kin-küdurətə yer verilmir.
Xatırladaq ki, bu il bahar Azərbaycana martın 20-i günorta saatlarında daxil olacaq.
-
- İqtisadiyyat
- 14 Mart 2017 16:00
-
- Cəmiyyət
- 14 Mart 2017 16:51
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz