Noyabrda temperatur normaya yaxın, bəzi rayonlarda normadan yüksək olacaq

Noyabr ayında havanın orta aylıq temperaturu iqlim normasına yaxın, ayrı-ayrı rayonlarda bir qədər yüksək olacaq.     

Respublika üzrə yağıntılar qeyri-bərabər paylanacaq. Aylıq yağıntının miqdarının əksər rayonlarda iqlim normasına yaxın, bəzi yerlərdə isə normadan bir qədər çox olacağı ehtimal olunur. Noyabrın ikinci və üçüncü ongünlüyünün ayrı-ayrı günlərində bəzi dağlıq ərazilərdə yağıntının sulu qar və qar şəklində olacağı gözlənilir. 

Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, Bakıda və Abşeron yarımadasında orta aylıq temperatur 10-12 dərəcə isti olacaq, bu da iqlim normasına yaxındır. Gecələr 4-9, gündüzlər 10-14 dərəcə isti təşkil edəcək, ayın birinci yarısında temperatur 14-18, ayrı-ayrı günlərdə 20-22 dərəcəyədək yüksələcək, ayın ikinci yarısında 10-15 dərəcə isti gözlənilir. Aylıq yağıntının miqdarının iqlim normasına yaxın (norma 28-38 mm) olacaq. 

Naxçıvanda orta aylıq temperatur 6-10 dərəcə isti olacaq,  bu da iqlim normasına yaxındır. Ayın əvvəlində gecələr 4-9, ikinci yarısında 4 dərəcə şaxtadan 1 dərəcəyədək isti, gündüzlər 14-19, bəzi günlərdə 20-25, ayın ikinci yarısında 8-12 dərəcə isti təşkil edəcək. Aylıq yağıntının miqdarının iqlim normasına yaxın (norma 18-28 mm), bəzi yerlərdə bir qədər çox olacaq. 

Yuxarı Qarabağ, - Xankəndi, Şuşa, Xocalı, Xocavənd; Qubadlı, Zəngilan, Laçın, Kəlbəcər və Daşkəsən, Gədəbəy rayonlarında orta aylıq temperatur 4-9 dərəcə isti olacaq, bu da iqlim normasına yaxın, bəzi yerlərdə isə bir qədər yüksəkdir. Gecələr 1-5 dərəcə isti, ayrı-ayrı günlərdə 0-4 dərəcə şaxta gözlənilir, gündüzlər 5-10 dərəcə isti , ayrı-ayrı günlərdə 12-16 dərəcəyədək isti olacaq. Aylıq yağıntının miqdarı iqlim normasına yaxın (norma 27-34 mm) olacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında orta aylıq temperatur 7-10 dərəcə isti olacaq, bu da iqlim normasına yaxın və bir qədər yüksəkdir. Gecələr 5-10 dərəcə isti, ayrı-ayrı günlərdə 3 dərəcə şaxtadan 2 dərəcəyədək isti təşkil edəcək. Gündüzlər 10-15, ayın əvvəlində 16-19, ayrı-ayrı günlərdə 7-9 dərəcə isti gözlənilir. Aylıq yağıntının miqdarı iqlim normasına yaxın (norma 15-24 mm.), bəzi yerlərdə isə bir qədər çox olacağı gözlənilir.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperatur 5-10 dərəcə isti olacaq, bu da iqlim normasına yaxındır. Gecələr 1-5, ayın əvvəlində 7-19 dərəcə isti, ayrı-ayı günlərdə 0-4 dərəcə şaxta təşkil edəcək. Gündüzlər 8-13, ayın əvvəlində 15-19, ayrı-ayrı günlərdə 5-7 dərəcə isti gözlənilir. Aylıq yağıntının miqdarının iqlim normasına yaxın (norma 29-73 mm.) olacağı gözlənilir. 

Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperatur 8-13 dərəcə isti olacaq, bu da iqlim normasına yaxın və bir qədər yüksəkdir. Gecələr 6-11, ayın ikinci yarısında ayrı-ayrı günlərdə 0-4 dərəcə isti təşkil edəcək. Gündüzlər 14-19, bəzi günlərdə 22 dərəcəyədək yüksələcək, ayın ikinci yarısında 9-13 dərəcə isti gözlənilir. Aylıq yağıntının miqdarının iqlim normasına yaxın (norma 25-45 mm.), bəzi yerlərdə isə bir qədər çox olacağı gözlənilir.

Masallı-Lənkəran-Astara-Lerik, Yardımlı rayonlarında orta aylıq temperatur 10-12 dərəcə isti olacaq, bu da iqlim normasına yaxındır. Gecələr 4-9 dərəcə isti, dağlarda 1-5 dərəcə şaxta, gündüzlər 12-17, ayın əvvəlində 18-20 dərəcəyədək isti gözlənilir. Aylıq yağıntının miqdarının iqlim normasına yaxın (norma 55-170 mm.), bəzi yerlərdə isə bir qədər çox olacağı ehtimal olunur. -03D- 

 

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti