!["Azəri-Çıraq-Günəşli"də hasilat sürətlə artır](https://turan.az/resized/media/2012/main/103100016393-750-500-resize.webp)
"Azəri-Çıraq-Günəşli"də hasilat sürətlə artır
BP-Azerbaijan şirkəti "Azəri-Çıraq-Günəşli" blokunda hasilatı tədricən artırır.
BP-Azerbaijan-da Turan-a bildiriblər ki, hazırda sutkalıq hasilat 705 min barreldir. Xatırladaq ki, ВР-Azerbaijan-ın son hesabatına əsasən, 2012-ci ilin ortaları üçün AÇG kontrakt meydançasında 56 istismar quyusundan (eləcə də 30 texniki quyu) sutkada 684 min barrel neft çıxarılıb. Turan-ın ARDNŞ mənbələrindən əldə etdiyi məlumata görə, sentyabrın ortalarında AÇG-də hasilat səviyyəsi sutkada 660 min barrelə düşüb.
Qısa müddətə konsorsium hasilatı 45 min barrel və ya 6,8% artıra bilib.
Xatırladaq ki, oktyabrın 11-də prezident İlham Əliyev hökumətin iclasında hasilatın azalması ilə bağlı Britaniya ВР-ni kəskin tənqid etmişdi. Bundan sonra ARDNŞ və ВР London və Bakıda yüksək səviyyədə görüşlər keçirdi, ВР-nin 3 vitse-prezidenti Bakıya gəldi. BP-Azerbaijan-ın quyular üzrə vitse-prezidenti dəyişdirildi, BP-nin 10 ən yaxşı mütəxəssisi müxtəlif regionlardan Bakıya gətirildi, ARDNŞ və ВР konsorsium çərçivəsində yeni əməkdaşlıq forması barədə razılığa gəldi. --12В--
-
- Cəmiyyət
- 31 Oktyabr 2012 13:29
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz