![Maliyyə hesabatlarının dərc edilməsi üzrə qanunvericiliyin pozulmasına görə cərimə tətbiq ediləcək](https://turan.az/resized/./turan-750-500-resize.webp)
Maliyyə hesabatlarının dərc edilməsi üzrə qanunvericiliyin pozulmasına görə cərimə tətbiq ediləcək
Milli Məclis yaxın günlərdə maliyyə hesabatlarının dərc edilməsi üzrə qanunvericiliyin pozulmasına görə cərimə tətbiq edilməsini nəzərdə tutan qanun layihəsini müzakirə edəcək. Dövlət başçısı tərəfindən İnzibati Xətalar Məcəlləsinə təklif edilən dəyişikliyə əsasən, illik maliyyə hesabatı və birləşdirilmiş (konsolidə edilmiş) maliyyə hesabatlarının dərc edilməsi qaydalarının pozulmasına görə şirkətlərə və onların vəzifəli şəxslərinə qarşı cərimə tətbiq ediləcək.
Məcəllənin mövcud müddəasına əsasən (maddə 247-1), maliyyə hesabatlarını hazırlama və müvafiq dövlət orqanı (Maliyyə Nazirliyi) və təsisçilərə təqdim etmə qaydasını pozmağa görə vəzifəli şəxslər üç yüz manatdan dörd yüz manatadək miqdarda, hüquqi şəxslər min beş yüz manatdan iki min manatadək miqdarda cərimə edilirlər. Cərimə sanksiyası onların mətbuatda dərc edilməməsinə görə də tətbiq ediləcək.
Bu normanın təsir dairəsi genişdir və banklar, sığorta şirkətləri, səhmdar cəmiyyətləri, məhdud məsuliyyətli cəmiyyətlər, holdinq, maliyyə-sənaye qruplarına və s. aiddir.
Maliyyə hesabatlarının mətbuatda dərc edilməməsinə görə məsuliyyət qanunda müəyyən edilib, amma inzibati sanksiyalar olmadığı üçün çox az şirkət ona əməl edir. 08B
-
- İqtisadiyyat
- 31 Oktyabr 2012 11:53
-
- İqtisadiyyat
- 31 Oktyabr 2012 13:07
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz