Başqalarından pis deyil

İcbari Sığorta Bürosunun üzvü olan «Azərbaycan Sənaye Sığorta” ən yaxşı şirkətlər onluğunda deyil. Amma göstəriciləri yaxşılaşmaqda davam edir. 

Yanvar-sentyabrda cəmi 5 mln 051,31 min manat (ötən ilin eyni dövrü ilə müqayisədə +206,8 min manat) mükafat yığılıb. Könüllü növlər üzrə mükafatlar 4 mln 278,67 manat və ya ümumi yığımın 84,7%-dir. 

 Mükafatlar belə bölünür: yük sığortası 1 mln 799,61 min manat, əmlakın yanğından və başqa risklərdən sığortası 990,9 min manat, könüllü tibbi sığorta 764,99 min manat, avtomobillərin КАСКО sığortası 227,85 min manat.

Bədbəxt hadisə və xəstəliklərdən sığorta üzrə 54,56 min manat toplanıb. Kənd təsərrüfatı risklərinin sığortası üzrə ilk dəfə yaxşı (247,43 min manat) məbləğ əldə edilib. Xaricə səyahət sığortası üzrə mükafatlar 4,73 min manat təşkil edib. 

İşə götürənlərin məsuliyyətinin sığortası şirkətə 48,82 min manat, avtonəqliyyat vasitələri sahiblərinin mülki məsuliyyətinin sığortası 72,69 min manat, kredit sığortası 30,06 min manat, ümumi mülki məsuliyyətin sığortası 41,76 min manat gətirib. 

«Azərbaycan Sənaye Sığorta”nın icbari mükafatları 772,65 min manat olub. Əmlakın yanğından və başqa risklərdən sığortası üzrə 133,33 min manat, avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 638,21 min manat, daşınmaz əmlak sahiblərinin mülki məsuliyyətinin icbari sığortası üzrə 1,1 min manat yığılıb. 

Bu maliyyə strukturunun ödənişləri ikinci ildir 1 milyonu keçir - 1 mln 208,4 min manat. 

«Azərbaycan Sənaye Sığorta” 1996-cı ildən fəaliyyət göstərir. 

2007-ci ilə kimi «CI Insurance» adlanıb. Ötən ilin fevralında ASC-yə çevrilib. Şirkət 27 könüllü, 5 icbari sığorta növü üzrə xidmət edir. Təsisçiləri Azərbaycan Sənaye Bankı və «Anadolu Investment Kompani» MMC-dir.  

Nizamnamə kapitalı 6 mln manartdır. Noyabrda nazirlik 2 mln artımı təsdiq edəcək. --17D—