![azertag](https://turan.az/resized/media/2017/main/010800179728-750-500-resize.webp)
azertag
Nurayın məsələsi diqqət mərkəzində (YENİLƏNİB)
Azərbaycan Respublikası Ailə, Qadın və Uşaq Problemləri üzrə Dövlət Komitəsi bu gün Nuray Bayramzadə ilə bağlı vəziyyəti öyrəndikdən sonra belə nəticəyə gəlib ki, məhkəmə qərarlarından irəli gələn prosedurların yerinə yetirilməsi məqsədəuyğun deyil. Belə ki, Azərbaycan qanunvericiliyi və uşaqların müdafiəsi sahəsində beynəlxalq aktlar ilə uşaqlara verilən hüquqları pozur.
Bununla bağlı yayılan məlumatda deyilir ki, “Azərbaycan Respublikasının qanunvericiliyinə və beynəlxalq konvensiyalara əsasən dövlət orqanları, bütün fiziki və hüquqi şəxslər öz fəaliyyətində uşaqların mənafelərini üstün tutmalı, onların hüquqlarının təmin olunmasına şərait yaratmalıdırlar. Qərarların icrası uşaqların həyatına, inkişafına və tərbiyəsinə zərər gətirməməlidir”.
Dövlət Komitəsi bildirib ki, məsələ ilə əlaqədar Ədliyyə Nazirliyi ilə əlaqə saxlanılıb.
Nazirlik bildirib ki, baş vermiş insidentlə bağlı hazırda xidməti araşdırma aparılır və nəticə üzrə qanunamüvafiq tədbirlər görüləcək.
2017 Yanvar 08 (Bazar) 18:39:26
Ədliyyə Nazirliyi öz xalası Mehriban Eldarova və ana nənəsi ilə yaşayan 10 yaşlı Nuray Bayramzadənin biolojı atası Əvəz Bayramova verilməsi barədə məhkəmə qərarının icrası ilə bağlı rəsmi açıqlama yayıb.
Bundan öncə sosial şəbəkələrdə və KİV-də yanvarın 6-da məhkəmə icraçılarının məhkəmə qərarını kobud şəkildə yerinə yetirməsinə dair video yayılıb. Quba rayonundan deputat Vahid Əhmədovun bəyanatı isə xüsusi rezonans doğurub.
Ədliyyə Nazirliyinin məlumatında deyilir ki, uşağın anası 2010-cu ildə vəfat etdikdən sonra onu xalası və nənəsi öz qəyyumluğuna götürüb. Onlar uşağı atasına verməkdən yayınıblar.
Ə.Bayramov 2012-ci ildə Quba Rayon Məhkəməsində iddia qaldırıb. Məhkəmə atanın uşaq üzərində hüquqlarını tanıyıb. Məhkəmənin qətnaməsinə əsasən uşağın atasına verilməsi qərara alınıb.
Nazirlik qeyd edir ki, həmin gün, yanvarın 6-da məhkəmə binasından kənar yerdə uşağı yenidən atasından alıblar. Polis fakt üzrə istintaq aparır.
Bu gün Ailə, Qadın və Uşaq Problemləri üzrə Dövlət Komitəsinin nümayəndərəsi və bir qrup deputat məsələni araşdırmaq üçün Qubaya gedib.
Ötən il dekabrın 30-da Nuray kömək üçün ölkə prezidentinə müraciət edib. O bildirib ki, anadan olduqdan iki ay sonra atası Ə.Bayramzadə anası Rübabə Haqverdiyevanın xərçəng xəstəsi olduğunu biləndən sonra ondan boşanıb. İkinci dəfə ailə qurub. Nuray anası vəfat edənə qədər, 2010-cu ilədək anası ilə yaşayıb. Sonra öz xalasının evində yaşayıb. Bu müddətdə xalası həm xəstə anasına baxıb, həm də Nurayı öz qızı kimi tərbiyə edib.
Nuray dövlət başçısından onu atasından və məhkəmə icraçılarından qorumağı xahiş edib.—0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz