Bakı/24.07.18/Turan: Azərbaycanda ödənişli yollarda hərəkət qaydaları müəyyən edilib. Belə ki, ödəniş tələb olunan yollarda ödənişli yolun başlaması və bitməsi nişanları quraşdırılacaq.
Bu barədə Nazirlər Kabinetinin təsdiq etdiyi "Azərbaycan Respublikasında avtomagistraldan ödənişli yol kimi istifadə edilməsi ilə bağlı məlumatın forması"nda qeyd edilib.
Məlumat və yol nişanları Azərbaycan dilində quraşdırılır, operatorun istəyinə əsasən, xarici dildə də (ingilis dilində) təqdim ediləcək. Eyni zamanda, məlumat operator tərəfindən istifadəçilərin nəzərinə operatorun internet saytı vasitəsilə, istifadəçinin tələbi ilə ödəniş haqqının alındığı məntəqələrdə çatdırılacaq.
İstifadəçiləri təqdim olunan xidmətlər haqqında məlumatlandırmaq məqsədi ilə operator ödənişli avtomagistralın sahibi ödənişli avtomagistralın başlanğıc məntəqəsinin və ödəniş haqqının alınması məntəqələri qeyd olunmaqla ödənişli avtomagistralın sxemi və alternativ ödənişsiz hərəkət marşrutu haqqında məlumatı təqdim edəcək.
Xatırladaq ki, Azərbaycanda hələ ödənişli avtomagistral yoxdur. Amma belə ödənişli yollardan biri kimi tam istifadəyə verildikdən sonra Bakı-Ələt-Astara-İran sərhədi yolu nəzərdə tutulur.
Ödənişli yolun hər kilometri minik və yük avtomobillərindən asılı olaraq, 4-7 qəpik müəyyən ediləcək, sürət həddi hələlik saatda 110 km/saat təklif edilib.
Nəqliyyat sahəsi üzrə ekspert Ərşad Hüseynov bildirib ki, avtomagistrallarda hərəkət "Avtotmobil Yolları haqqında" qanunla tənzimlənir və bu qanunda pullu yollar nəzərdə tutulub.
Ekspert hesab edir ki, belə yolların olmasının əsas şərti həmin yola alternativin olmasıdır, yəni, pullu yolu əvəz edəcək yol yoxdursa, həmin yol pullu ola bilməz.
"Həm də həmin alternativ yol pullu yol qədər rahat olmalıdır".
Ə.Hüseynov deyir ki, yolun pullu olması barədə qərarı dövlət verir.
"Bu yol dövlət yolu da, bələdiyyəyə məxsus yol da, özəl yol da ola bilər".
Hüseynovun fikrincə, pullu yollarda ödənişin həcmi vətəndaşlar üçün əlçatan olmalıdır.
"Dünya təcrübəsində bu ödəniş hər kilometr üçün 3-5 qəpik arasında dəyişir", deyə o qeyd edib. -0-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz