Ölkəboyu tibbi müayinə başlayıb
Bakı/12.02.18/Turan: Bu gün, fevralın 12-si Azərbaycanda əhalinin tibbi müayinəsinə start verilib.
Səhiyyə Nazirliyinin mətbuat xidmətinin məlumatına görə, mayın 12-dək nazirliyin tabeliyində olan tibb müəssisələrində əhalinin tibbi müayinələri keçiriləcək.
Nazirlik bildirir ki, tibbi müayinələr artıq 4-cü ildir ki, keçirilir. Profilaktik tibbi müayinələrin patoloji halların, müxtəlif xəstəliklərin risk faktorlarının erkən aşkarlanması məqsədi daşıdığı deyilir.
"Xəstəliklər aşkar olunduğu halda pasiyentlər yerlərdə, zərurət yarandığı halda isə Bakı şəhərində və bölgələrdə fəaliyyət göstərən ixtisaslaşdırılmış tibb müəssisələrində əlavə müayinə və müalicəyə cəlb olunacaqlar", nazirlik qeyd edir.
Nazirlik 2017-ci ildə aparılmış müayinələrin nəticələri haqda da bilgi verib.
Həmin bilgidə deyilir ki, müayinə edilmiş şəxslərdən 2 milyon 41 min 388 nəfəri əlavə müayinələrə cəlb edilib. 68 min 427 nəfər dispanser nəzarətinə alınıb, 27min 59 nəfər isə hospitalizasiya edilib.
Nazirlik əhalini yaşayış ərazisi üzrə tibb müəssisəsinə vaxtında müraciət edib, profilaktik tibbi müayinədən keçməyə dəvət edib.
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz