Ölkədə minadan zərər çəkənlərin sayı artır
Azərbaycan Minalar Əleyhinə Kampaniya cümə günü “Trend” xəbərlər agentliyinin ofisində mətbuat konfransı keçirib.
Kampaniyanın rəhbəri Hafiz Səfixanov minalar istifadəsini qadağan edən Ottava Konvensiyasına hazırda 166 dövlətin üzv olduğunu deyib. Üzv dövlətlərdən 16-sı arsenalında olan mina ehtiyatlarını məhv edib. Ötən il bütün dünyada 320 min piyada, 90 min tank əleyhinə mina məhv edilib. 90 min kv. km ərazi təmizlənərək insanların istifadəsinə verilib. 2011-ci ildən etibarən dünyada minadan zərər çəkənlərin sayının azalmağa başladığı vurğulanıb. 2001-ci ildə dünyada minadan hər gün 32 insan zərər görürdüsə, 2012-ci ildə bu rəqəm 12 insana qədər enib.
Dünya miqyasında minaların təmizlənməsinə 662 milyon dollar vəsait ayrılıb.
Suriya istisna olmaqla, keçən il digər heç bir dövlət piyadalar əleyhinə minadan istifadə etməyib.
Azərbaycan digər iki Cənubi Qfaqaz ölkəsi kimi Ottava Konvensiyasının üzvü deyil. Rəsmi Bakı bunu Ermənistanla müharibə vəziyyətində olması ilə əlaqələndirir. Həm də rəsmi Bakı aktiv hərbi əməliyyatlar başladıqda düşmənə qarşı arsenalındakı bütün silahlardan istifadə edəcəyi hüququnu özündə saxladığını bildirir. Azərbaycanın konvensiyanın üzvü olmamasına baxmayaraq, minalar əleyhinə mübarizə sahəsində bəzi işlər görməsi, şəffaflığa uyğun hesabat verməsi qeyd edilib. BMT-nin Azərbaycan nümayəndəliyi Azərbaycanın bu konvensiyaya qoşulmasına səy göstərməməyə görə tənqid edilib.
Hazırda Azərbaycanda minalı sahələr 500 mindən çox insanı əhatə edir. Minalar və partlamamış sursatlardan zərər çəkənlər təkcə müharibə getmiş zonalarda yox, ondan çox kənardakı ərazilərdə də olur. Həm də Azərbaycanda minalardan zərər çəkənlərin sayı dünyadakı tendensiyanın əksinə olaraq artır. Belə ki, bu ilin ötən müddəti ərzində baş vermiş 14 hadisədə 18 nəfər zərər görüb, mülki vətəndaşlar arasında 3 nəfər ölüb, 4 nəfər yaralanıb, hərbiçilər arasında isə 4 nəfər ölüb, 4 nəfər yaralanıb. Hadisələrin 4-ü Goranboyda, hər biri 3 hadisə olmaqla Fzuli, Tərtər, Ağdamda və 1 hadisə Tovuzda qeydə alınıb.
2011-ci ilin analoji dövründə belə hadisələrdə 3 nəfər həlak olub, 6 nəfərsə yararlanıb.
Kampaniya minadan zərər çəkən əlillərin bizneslərini qura bilməsi üçün də fəaliyyət göstərir. İsveçrə Mina Qurbanları Assosiasiyasının 17 min avro maliyyə dəstəyilə 7 mina qurbanına sahibkarlıq fəaliyyəti üçün yardım edilib. -05C-
-
- İqtisadiyyat
- 30 Noyabr 2012 15:37
-
- İqtisadiyyat
- 30 Noyabr 2012 15:50
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz