![Ombudsmanın baş çəkməsindən sonra P.Həşimliyə qarşı təzyiq güclənib](https://turan.az/resized/750/500/resize/media/2013/main/112800059393.jpg)
Ombudsmanın baş çəkməsindən sonra P.Həşimliyə qarşı təzyiq güclənib
Həbsdə olan jurnalist Pərviz Həşimli noyabrın 28-də yenidən başına torba keçirilmiş vəziyyətdə məhkəməyə gətirilib. Bu, ombudsman Elmira Süleymanovanın MTN istintaq təcridxanasında ona baş çəkməsindən üç gün sonra baş verib. Süleymanova İT-də jurnalistin hüquqlarına riayət olunduğunu bəyan edib.
“Bizim yol” qəzetinin əməkdaşı və moderator.az saytının rəhbəri Həşimli noyabrın 17-də qaçaqmalçılıq və qanunsuz silah saxlamaq ittihamı ilə həbs edilib. Lakin ictimaiyyət bu ittihamları cəfəng və əsassız hesab edir.
Apellyasiya məhkəməsində keçirilən bugünki iclasda jurnalist mənzilində icazə olmadan qanunsuz axtarış aparılması haqqında qərardan şikayət verməyə çalışıb.
Onu məhkəməyə başına qara torba keçirilmiş vəziyyətdə gətiriblər, bu barədə Turan-a onun vəkili Elçin Sadıqov bildirib. MTN işçiləri bunu jurnalistin “MTN-in içindəki otaqları görməməsi zərurəti” ilə əsaslandırıblar.
“Başına keçirilən torbada nəfəs almaq və görmək üçün deşik yox idi. O, az qala boğulacaqdı”, deyə vəkil bildirib.
Maşından düşən Həşimli “Sonda demokratiya qalib gələcək!” şüarı səsləndirib. Lakin MTN əməkdaşları onun qollarını burublar və qoynundan sıxıb danışmasına imkan verməyiblər.
Vəkil bunu qeyri-insani rəftar kimi qiymətləndirib və bu məsələ ilə bağlı MTN rəhbərinə və ombudsmana müraciət edəcəyini bildirib.
Məhkəmədə jurnalistin əlindən çıxış mətni alınıb, hakim isə onun şikayətini təmin etməyib.
Hüquq müdafiə təşkilatları Həşimlini siyasi məhbus hesab edirlər. -16D06-
-
- İqtisadiyyat
- 28 Noyabr 2013 15:03
-
- Siyasət
- 28 Noyabr 2013 15:42
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz