Gürcüstan Avropa İttifaqı ilə Assosiasiya Sazişi və azad ticarət haqqında müqavilə imzalayıb. Təntənəli mərasim Vilnyusda bu gün başlayan Şərq Tərəfdaşlığı sammiti çərçivəsində keçirilib, bu barədə “Rustavi 2” telekanalı məlumat yayıb.
1000 səhifədən ibarət müqaviləni Gürcüstan xarici işlər nazirinin birinci müavini David Zalkaliani imzalayıb.
O, bunu tarixi hadisə adlandırıb və ölkə üçün Avrointeqrasiya prosesinin dönülməz olduğunu bildirib.
Qeyd edək ki, assosiasiya haqqnda müqavilənin imzalanması hələ prezident Mixail Saakaşvili dövründə hazırlanırdı. O, dəfələrlə Gürcüstanın Aİ və NATO-ya daxil olmaq niyyətindən danışıb. Moldova da analoji saziş imzalamalıdır, Ukrayna isə son anda imtina edib.
Assosiasiya Sazişinin imzalanması dərhal Aİ-yə qoşulmaq demək deyil. Müqaviləni bütün Aİ ölkələrinin parlamentəri təqdir etməlidir ki, bu da uzun müddət tələb edə bilər. Bu zaman assosiasiya Avropa İttinfaqına girişə zəmanət vermir. Məsələn, Xorvatiya assosiasiyadan Avropa İttifaqına daxil olana qədər 12 il gözləyib. Türkiyə öz növbəsində hələ 1962-ci ildə assosiasiya haqqında razılıq əldə edib, amma hələ də təşkilata daxil olmayıb. -0-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz