Nəsimi rayon məhkəməsində məşhur hüquqşünas, Demokratik Qüvvələrin Milli Şurasının (DQMŞ) üzvü Qurban Məmmədovun işi üzrə proses başa çatır. Noyabrın 28-də keçirilən iclasda prokuror Məmmədovun Cinayət Məcəlləsinin 263.1 (Yol hərəkəti və nəqliyyat vasitələrinin istismarı qaydalarını pozma) və 299.1-ci (zərərçəkmişi pulla ələ alma) maddəsi üzrə 3 il azadlıqdan məhrum edilməsini istəyib.
Məmmədov bu ilin iyun ayında 2012-ci ilin sentyabrında baş vermiş YNH ilə əlaqədar həbs edilib. Məmmədov maşınını park edərkən dayanacaq işçisinə xəsarət yetirib, amma tibbi yardım xərclərini ödəyib. Zərərçəkmişin Məmmədova qarşı şikayəti olmayıb, lakin hüquqşünas DQMŞ-nin yaradılmasında iştirak etdikdən sonra polis onu həbs edib.
Məmmədov ona qarşı irəli sürülmüş ittihamları təkzib edir və həbsini siyasi sifariş hesab edir.
Vəkil Süleyman Qasımovun Turan-a verdiyi məlumata görə, dekabrın 4-də məhkəmədə müdafiə tərəfin yekun çıxışı təyin edilib. -16D06-
Siyasət
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
Rəy yaz