![Икрам Рагимов](https://turan.az/resized/750/500/resize/media/2019/main/021500016812.jpg)
Икрам Рагимов
Ombudsmanın nümayəndələri İkram Rəhimova baş çəkiblər
Bakı/15.02.19/Turan: Ombudsman Aparatının əməkdaşları əvvəlcədən xəbərdarlıq etmədən Dövlət Təhlükəsizliyi Xidmətinin (DTX) istintaq təcridxanasına baş çəkiblər. Bu barədə Ombudsman Aparatının məlumatında bildirilir.
Onlar saxlanma şəraiti, qidalanma, tibbi yardım, dustaqlarla rəftar, onların hüquqlarının təmin olunmasının vəziyyəti ilə tanış olublar. Bəzi şəxslərlə təkbətək görüşlər keçirilib, onlara hüquqi məsləhətlər verilib.
Onların arasında realliq.info saytının redaktoru İkram Rəhimov da olub. Bəzi məlumatlara görə, o, aclıq edir. Lakin İ.Rəhimov aclıq etmədiyini bildirib, məlumatda deyilir. Başçəkmənin yekunlarına əsasən təcridxana rəhbərliyilə müzakirələr aparılıb.
Xatırladaq ki, fevralın 14-də İ.Rəhimovun doğmaları bildiriblər ki, o, cinayət işinin saxtalaşdırılmasına etiraz olaraq 4-cü gündür ki, aclıq edir.
*İkram Rəhimov 2018-ci il oktyabrın 26-da hədə yolu ilə pul tələb etməkdə ittiham olunaraq məhkəmənin qərarı ilə həbs edilib. Həbsdən öncə İ.Rəhimov bildirib ki, Azərbaycan prezidentinin köməkçisi Əli Həsənovu tənqid etdiyinə görə təqib olunur.
Azərbaycanda Siyasi Məhbusların Azadlığı Uğrunda İttifaq İkram Rəhimovu siyasi məhbus kimi tanıyıb.-03B06--
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz