"Əmanətlərin tam sığortalanması haqqında" qanuna dəyişiklik edilir və bu məqsədlə hazırlanmış layihə Milli Məclisin İqtisadi siyasət, sənaye və sahibkarlıq komitəsinin bu günkü iclasında müzakirə edilib. Bunu parlament komitəsinin üzvü Vahid Əhmədov bildirib.
Onun sözlərinə görə, layihəni Maliyyə Bazarlarına Nəzarət Palatasının İdarə Heyətinin üzvü vəzifəsini icra edən Əfqan Baxışov təqdim edib.
V.Əhmədov deyib ki, bugünkü müzakirədən sonra layihə fevralın 19-da Milli Məclisin plenar iclasının müzakirəsinə çıxarılacaq.
"2016-cı il martın 4-də "Əmanətlərin tam sığortalanması haqqında qanun" bu il martın 4-də qüvvədən düşür. Odur ki, belə bir qanuna ehtiyac vardı", - V.Əhmədov bildirib.
Xatırladaq ki, sözügedən qanun 2016-cı ildə qəbul olunub və sənəddə əmanətlərin tam sığortalanmasının müddəti 3 il idi. Hazırkı layihədə isə bu müddət daha bir il üçün uzadılır.--0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz