Qarabağ münaqişəsinə dair hesabatın təqdimatı

Bakı/15.02.19/Turan: Cümə günü İnternational Alert təşkilatının "Sülhə baxış. Dağlıq Qarabağ münaqişəsinə baxışların analizi" hesabatının təqdimatı keçirilib.

Hesabatı təqdim edən Humanitar Tədqiqatlar İctimai Birliyinin sədri Əvəz Həsənov qeyd edib ki, Azərbaycanda müxtəluf sosial qruplar arasında aparılan sorğular 2017-ci ildə başlayıb.

Əldə olunmuş materialların analizi 2018-ci ilin ilk yarısında həyata keçirilib. Sorgular əsasən gənc tədqiqatçılar tərəfindən aparılıb və təhlillərin analizi bir neçə tanınmış ekspertlərin cəlb olunması ilə təhlil olunub. 30 il keçməsinə baxmayaraq, münaqişənin qaydaları dəyişməyib və demək olar ki, tərəflərin yanaşmasında ciddi korrektələr olmayıb. Bütün bunların fonunda sülhün əldə olunmasının asan proses olduğunu fikirləşmək sadəlövlükdür", - o deyib.

Avropa İttifaqının Cənubi Qafqaz üzrə xüsusi nümayəndəsinın təmsilçisi Johanna Ketola Dağlıq Qarabağ münaqişəsi ilə bağlı vətəndaş cəmiyyətinin təşəbbüsü əsasında Avropa İttifaqının maliyələşdirdiyi "Dağlıq Qarabağ münaqişəsinin sülh yolu ilə həlli naminə Avropa Tərəfdaşlığı (EPNK)" layihəsi barədə məlumat verib. Təqdim olunan hesabatın bu layihə çərivəsində hazırlandığını vurğulayıb.

Hesabatın dəyərləndirilməsi prosesində iştirak edən ekspertlər sorğuların mahiyyətini təqdim ediblər. Bu, ondan ibarətdir ki, sadə adamlar dinc nizamlanmanı istəyirlər və ona nail olunacağına inanırlar. Lakin onlar heç bir şey həll etmirlər və konkret addımlar atmaq siyasətçilərin işidir. -02D-