Tofig Yagublu
Bakı/17.01.23/Turan: Yanvarın 16-da ombudsmanın Millli Preventiv Qrupunun üzvləri Binəqədi Tibb Mərkəzində həbsdə olan müxalifətçi Tofiq Yaqubluya baş çəkiblər. Qrup üzvləri onun səhhəti, hüquqlarının təmin olunması ilə maraqlaıblar.
“Konfidensial qaydada keçirilmiş görüşdə psixoloq və həkim də iştirak edib. Yaqublunun həkim nəzarətində olduğu müşahidə edilib.
Yaqubluya başçəkmə onun ailə üzvlərinin ombudsmana müraciətinə cavab olub. Yaqublu onun vəziyyətinə və hüquqlarına göstərdiyi diqqətə görə ombudsmana təşəkkür edib”, - məlumatda deyilir.
Öz növbəsində, Yaqublunun qızı Nigar Həzi ombudsmana müraciət etdiyini təsdiqləyib.
“Atamın vəziyyətilə əlaqədar müraciət etdim, amma ombudsmanın əməkdaşları mənim müraciətim olmasa belə, bu məsələyə diqqət yetirməliydilər. İstənilən halda atamı ziyarət etdikləri üçün onlara təşəkkür edirəm”, - Nigar Həzi deyib.
O qeyd edib ki, Yaqublu azadlığa buraxılması tələbilə 13 gündür ki, aclıq edir.
Dekabrın 23-də Yaqublu fəal Bəxtiyar Hacıyevin müdafiəsi üçün keçirilən dinc aksiya zamanı saxlanılıb. Həmin gün məhkəmə onu polisə tabe olmamaq ittihamı ilə 30 sutka həbs edib.
Tofiq Yaqublu həbsindən verdiyi apellyasiya şikayəti təmin olunmadıqdan sonra yanvarın 5-dən aclıq elan edib. 06B
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz