Qobustan həbsxanasında ömürlük məhbus Abbasov Əlaqif Arif oğlu vəfat edib.
Azərbaycan Hüquq Müdafiə Mərkəzinin məlumatına görə, o, ömürlük rejimdə cəmi 9 ay qalıb. Son vaxtlar administrasiyanın ona qarşı pis münasibətindən, tez-yez kameranın dəyişdirilməsindən şikayətlənib.
Sentyabrın 6-da gəzintiyə çıxarkən iti əşya ilə öz boğazını kəsib və mərkəzi həbsxana xəstəxanasına yerləşdirilib və növbəti gün ölüb.
Qeyri-rəsmi mənbələr bu məhbusun problemini onunla əlaqələndirirlər ki, o, hansısa Abbas adlı şəxsin qardaşıdır. Abbas cinayət aləmində “avtoritet” kimi tanınır.
Azərbaycan Hüquq Müdafiə Mərkəzi ömürlük həbs olunanlar Qobustan həbsxanasına yerləşdirilərkən psixoloqların iştirakı ilə onlara psixoloji yardım göstərilməsinin vacibliyini qeyd edib.
Turan bildirib ki, Qobustan qapalı həbsxanasında 260-dən çox məhbus saxlanılır. Onlardan 70 nəfərdən çoxu ölüb.—0—
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz