Bakıda rəssam Lyubov Mircavadovanın sərgisi açılıb
Sentyabrın 15-də rəssam Lyubov Mircavadovanın “Fransa mədəniyyətindən təsirlənərək” adlı rəsm sərgisi açılıb.
Fransanın Azərbaycandakı səfirliyində açılan sərgi bir sıra mədəniyyət və incəsənət nümayəndələrinin iştirakı ilə keçirilib.
Sərgidə firça ustasının Fransa mədəniyyəti mövzusunda 25 rəsm portreti nümayiş olunub.
Fransa mövzusunda keçirilən bu yeni sərgi rəssamın Fransa mədəniyyətinə olan dərin münasibətini nümayiş etdirir, onun filmləri, özünəməxsus yaşam tərzi, onun memarlığı əsərlərində əks olunub.
Sərgini giriş sözləri ilə açan Fransanın Azərbaycandakı səfiri Paskal Mönye sərginin əhəmiyyətindən söz açıb.
Fransanın mədəniyyət və incəsənət sahəsinə böyük önəm verdiyini qeyd edən diplomat belə sərgilərin açılmasının hər zaman maraqla qarşılandığını diqqətə çatdırıb.
L.Mircavadova ona göstərilən diqqət və qayğıya görə hər kəsə təşəkkürünü bildirib.
Daha sonra qonaqlar sərgi ilə tanış olublar.
2010-cu ildə İncəsənət və Ədəbiyyat Ordeninin Kavaler dərəcəsi ilə təltif olunmuş L.Mircavadova Fransa səfirliyinn və Azərbaycanda Fransa İnstitutunun dəstəyi ilə əsərlərini ilk dəfə təqdim etmir.
1999-cu ildə Jorj Sand adına Fransa Mədəniyyət Mərkəzində və 2005-ci ildə Azərbaycanda Fransa İnstitutunda sərgi keçirilib.
Qeyd edək ki, rəssam Rübabə Mircavadova görkəmli Azərbaycan rəssamı Cavad Mircavadovun həyat yoldaşıdır. -16d-
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Azərbaycan iqtidarının Trampdan gözləntiləri özünü doğruldacaqmı? – Əhməd Əlili Çətin sualda
Xəbər lenti
-
- Cəmiyyət,
- 12:47
- 267
Rəy yaz