![Orucluq iyulun 10-dan başlayır](https://turan.az/resized/media/2013/main/070800041917-750-500-resize.webp)
Orucluq iyulun 10-dan başlayır
Azərbaycan dindarları Ramazan ayının orucunu iylin 10-dan tutmağa başlamalıdır. Bu haqda bazar ertəsi Qafqaz Müsəlmanları İdarəsinin (QMİ) Qazilər Şurasının (QŞ) açıqladağı fətvasında deyilir.
Bu münasibətlə bu gün QMİ-də xüsusi toplantı keçirilib. QMİ sədri, Şeyxülislam Allahşükür Paşazadə oruc tutmağa iyulun 10-dan başlanması səbəblərinə dair şərhlər verib. O qeyd edib ki, iyulun 8-də ayın görünməsi ehtimalı azdır, amma iyulun 9-da bu ehtimal daha böyükdür. Bu səbəbdən iylun 9-u niyyət gecəsi, iyulun 10-u isə orucluğun 1-ci günüdür.
QMİ sədri ölkədə iki məzhəb olması üzündən sübh azanının verilməsi, orucun tutulması, eləcə də axşam azanının verilməsi və orucun açılmasında ikitirəlik yaşanılmasına diqqət çəkib. A.Paşazadə Azərbacyan ərazisində əhli-sünnə ilə əhli-şiə arasında sübh və şam azanlarının verilməsi arasında birincilərin 12 dəqiqə tez, ikincilərin 12 dəqiqə gec verilməsi kimi fərq olmasına diqqət çəkib. Bundan irəli gələrək, əhli-sünnənin azanı 5-6 dəqiqə gec, əhli-şiənin isə eynilə 5-6 dəqiqə tez verməsilə vahid azan verilməsi kimi ortaq məxrəcə gəlmək təklifi səsləndirilib.
Daha bir məsələ kimi məscidlərdə təyin edilən axundlardan kənar bir kimsənin minbərdən xütbə oxumasına toxunulub. QMİ sədri belə hallar odluğu halda həmin axund barəsində tədbir görüləcəyini diqqətə çatdırıb. Bununla yanaşı, QMİ sədri axundları məscidlərdə ehsan vermək istəyənlərin kimliyinə diqqət yetirməyə çağırıb. “Bir çoxları iftar süfrəsini Allaha xatir yox, özünü reklam üçün açır, buna diqqət yetirmək lazımdır”, - deyə A.Paşazadə axundlara tövsiyələrini verib.
QMİ sədri 2013-cü ilin həm də seçki ili olduğunu xatırladaraq, axundlara dindarların kimlərinsə əlində alət olmasına imkan verməmək tövsiyəsi edid. “Mən demirəm ki, gedin kimə səs verin, amma seçkilərdə fəal iştirak edin”, - deyə QMİ sədri qeyd edib.
Ramazan ayı başa çatdıqda, fitrələrin verilməsilə bağlı məbləğlərin aşağı həddinin 3-5 manat arasında olması təklifləri səslənib. -05C-
-
- İqtisadiyyat
- 9 İyul 2013 11:33
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz