Biryulevo sakini Yeqor Şerbakovu qətlə yetirməkdə ittiham olunan Azərbaycan əsilli Orxan Zeynalov özünü qismən təqsirli bilib. Bu barədə onun vəkili Viktor Anikuşkin bildirib.
“Müvəkkilim bunu qətl hesab etmir. O, özünü müdafiə edirdi”, deyə müdafiəçi bildirib. Bu günlərdə müdafiə tərəfi Zeynalovun həbsi qərarından şikayət verib.
Biryulevoda iğtişaşlar oktyabrın 10-a keçən gecə naməlum şəxsin Yegor Şerbakovu bıçaqlamasından sonra başlayıb. Oktyabrın 13-də xalq yürüşündən sonra başlayan kütləvi iğtişaşlar zamanı insanlar ticarət mərkəzini talan edib və tərəvəz bazasına hücum edib.
380 nəfər saxlanılıb, 20-dən çox insan xəsarət alıb.
İki gün sonra Orxan Zeynalov saxlanılıb, o, əvvəlcə təqsirli olmadığını bildirib və Şerbakovu qətlə yetirdiyini inkar edib.
Azərbaycan XİN Rusiya XİN-ə iki nota göndərərək, Zeynalova qarşı xoşagəlməz rəftardan şikayət edib. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz