Son günlərdə Milli Təhlükəsizlik Nazirliyi narkotik vasitələrin qanunsuz daşınması ilə məşğul olan şəxsləri ifşa edib, onlardan ümumilikdə 212 kiloqrama yaxın narkotik vasitə aşkar edərək götürüb.
Milli Təhlükəsizlik Nazirliyinin İctimaiyyətlə Əlaqələr Mərkəzinin məlumatına görə, Azərbaycan Milli Təhlükəsizlik Nazirliyi və Rusiya Federal Təhlükəsizlik Xidmətininin birgə əməliyyat tədbiri nəticəsində, Azərbaycanın Göyçay rayonunda anadan olmuş, Rusiya vətəndaşı Nadir Abdullayev və qeyriləri qabaqcadan əlbir olaraq satış məqsədilə 210 kiloqram həşişi Moskva şəhərinə apararkən yaxalanıb. Müəyyən edilib ki, həmin narkotik vasitələr qaçaq yolla Avropa ölkələrindən birinin ərazisinə keçirilib və oradan satış üçün Rusiyaya idxal olunan güllərin içərisində gizlədilib.
MTN digər iki əməliyyat tədbiri nəticəsində “İran-Azərbaycan” marşrutu üzrə narkotiklərin qanunsuz daşınmasının qarşısı alıb. Əməliyyatlar nəticəsində 205 qram heroin və 1 kiloqram 762 qram qurudulmuş marixuana aşkar edilərək götürülüb.
Bütün faktlarla bağlı cinayət işləri başlanıb, şübhəli bilinən şəxslər barəsində həbs qətimkan tədbiri seçilib. Cinayət işləri üzrə bütün halların araşdırılması üçün zəruri istintaq-əməliyyat tədbirləri davam etdirilir. -03D-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz