Birjadankənar bazarda dumanlı proseslər

Bu il sentyabrın 30-dən oktyabrın 30-dək birjadankənar hərrac həcmi bu il ikinci dəfə rekord vuraraq 36,2 mln manatı keçib. 

Bakı Fond Birjasının məlumatına əsasən, deyilən dövrdə 1 554 214 səhm üzrə əqd həyata keçirilib. Birja normativ-hquqi aktlara zidd olaraq bu əqdləri açıqlamır, onları emitentlərin fəaliyyət növü üzrə qruplaşdırır. Sənədlərin analizi göstərir ki, bu dövrdə maliyyə şirkətinin 50 000 səhminin alqı-satqısı üzrə əqd bağlanılıb. Bu şirkətin səhminin nominalı 0,24 manatdırsa, demək, söhbət Beynəlxalq Bankdan gedir. Maliyyə şirkətinin digər əqdinin həcmi 1 min ədəd üzrə 8 mln 362 min manat olub. 

Rəqəmlərin müqayisəsi göstərir ki, oktyabrın son günlərində 22,9 mln manatlıq 28 638 səhm üzrə əqd bağlanılıb. Bir səhm üzrə əqdin qiyməti 800 manat olub. Beləliklə, BFB investorlar üçün daha bir müəmma yaradıb. Yəqin, bu halda əqd tərəfi insayderdir, Ümumən, şirkətin səhmləri üzrə əqd məbləği 24 mln manatı keçib.  

Sənaye müəssisələrinin 812 494 səhmi üzrə əqd məbləği 3 753,5 min manat olub. 

Müqayisə üçün deyək ki, oktyabrda 204 birja əqdi üzrə həcm 342,7 min manat olub. Bunun 150,6 min manatı “Holcim (Azerbaycan)”ın payına düşür.

Qiymətli Kağızlar üzrə Dövlət Komitəsi və Dünya Bankı (kapital bazarının inkişafı üzrə hökumətin donoru) Bakı Fond Birjası tərəfindən birjadankənar fond bazarında şəffaflığın təmin edilməsi üzrə qaydalara etinasızlığı sezmir. 08B