Bakı/28.01.19/Turan: "2018-ci ildə əməliyyat-axtarış və istintaq fəaliyyətini həyata keçirən bütün dövlət orqanları üzrə 26.381 cinayət qeydə alınıb. Onların 84, 7 faizinin açılması təmin olunub".
Bunu bu gün, yanvarın 28-də ötən ilin yekunları ilə bağlı Daxili İşlər Nazirliyində keçirilən toplantıda nazir Ramil Usubov deyib.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Cinayətlərin 89, 7 faizini böyük ictimai təhlükə törətməyən və az ağır növlər təşkil etdiyi qeyd edilib.
"Nazir diqqətə çatdırıb ki, mütəşəkkil cinayətkarlığa qarşı mübarizədə həyata keçirilmiş əməliyyat-axtarış tədbirləri nəticəsində 2277 cinayət törətmiş 869 cinayətkar qrup zərərsizləşdirilib. Polis əməkdaşlarına silahlı müqavimət göstərən 5 nəfər məhv edilib", açıqlamada yazılıb.
Habelə iddia edilib ki, qeyri-leqal dövriyyədən 1 ton 136 kiloqram narkotik vasitə çıxarılıb, 45 cinayətkar qrup zərərsizləşdirilib.
"144 insan alveri və 4 məcburi əmək cinayəti müəyyən edilib, 28 nəfərdən ibarət 13 cinayətkar qrup zərərsizləşdirilib. Bu cinayətlərin qurbanı olmuş 98 şəxsin cəmiyyətə reinteqrasiyası təmin edilib", deyə vurğulanıb.
Yol hərəkəti qaydalarının pozulması artıb
Hesabatda bildirilib ki, yol hərəkəti qaydaları əleyhinə olan hüquq pozmalarının aşkarlanması 1,3 faiz artaraq 3.409.698 inzibati xəta təşkil edib. Habelə qeyd edilib ki, ümumilikdə, daxili işlər orqanlarının bütün struktur qurumları üzrə müxtəlif inzibati xətalara görə 3.442.148 protokol tərtib edilib.
Bir il əvvəl isə daxili işlər naziri Ramil Usubov bildirmişdi ki, 2017-ci ildə 26 min 113 cinayət qeydə alınıb. Ancaq onda vurğulanırdı ki, cinayətlərin ümumi sayı 2016-cı illə müqayisədə 2.7 faiz azalıb.
Üstəlik, bəzi KİV-lərin məlumatına görə, daxili işlər naziri Ramil Usubov Azərbaycan polisinin 100 illik yubileyi (2018-ci il iyulun 2-si) zamanı bildirib ki, cinayətlərin, orta hesabla, 87 faizi ( 2018-ci ilin yekunlarına görə, 85 faizə yaxını) açılır.
Bəzi ekspertlər Azərbaycanda baş verən cinayətlərin açılma faizinin ümumilikdə yüksək olmasını bəzi cinayətlərin qeydiyyatdan kənarda qalması ilə izah edirlər.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz