Özlərini yandırmış ər-arvadın səhhəti ağırdır

Avqustun 13-də özlərini PA-sı önündə yandran ər-arvad Elçin Əlimaradoğlu və Jalə Salahovanın durumu ağır olaraq qalır.

J.Salahova reanimasiya bölməsindədir, E.Əlimuradoğlu palataya köçürülüb.

Ər və arvadın özünü yandırmasına ədalətsiz məhkəmə qərarı təhrik edib. Belə ki, E.Əlimuradoğlu bir neçə il öncə qaynından pulla ev alıb. Daha sonra bu adam ölkədən gedib, onun bacı və qardaşları evin geri qaytarılmasını tələb ediblər. Məhkəmədə ailənin evdən çxıarılması qərarı verib.

E.Əlimuradoğlu Qarabağ müharibəsi veteranıdır.

Yerli KİV-lərin məlumatına görə, bu faciəvi hadisədən sonra hakimyyət tələsik halda öz nümayəndələrini zərərçəkənlərin yanına göndərərk ev probleminin həll ediləcəyini nəzərə çatdırıb.

Qarbağ müharibəsi veteranı Zaur Həsənov keçən ilin dekabrında özünü nümayişkaranə şəkildə yandıranda da hakimiyyət analoju addım atmışdı. Z.Həsənov kafesinin əlindən alınmasına etiraz olaraq özünü Həmkarlar İttifaqının binası önündə yandırmışdı. Bu hadisə cəmiyyətdə anlaşılamzlıq yaratmışdı. Bir neçə gündən sonra Z.Həsənov aldığı yanıqlardan dünyasını dəyişdi.-05D