Paytaxtda hava küləkli olacaq, rayonlarda leysan və dolu yağacaq
Avqustun 15-də Bakıda hava şəraiti dəyişkən buludlu olacaq, Abşeron yarımadasında qısamüddətli yağış yağacağı gözlənilir. Güclü şimal-qərb küləyi əsəcək.
Havanın temperaturu gündüz 26-30 dərəcə, nisbi rütubət 65-75% təşkil edəcək.
Ölkənin rayonlarında yağış yağacağı, şimşək çaxacağı, dolu düşəcəyi ehtimal olunur. Aran rayonlarında gündüz 26-31 dərəcə isti, dağlarda 17-19 dərəcə isti olacaq.
Avqustun 15-də axşam saatlarından etibarən 16-sı axşama qədər bütün ölkə ərazisində yağıntılar güclənəcək, bu barədə Milli Hidrometeorologiya Xidmətinin məlumatında deyilir. Bütün Böyük və Kiçik Qafqaz ərazisində, həmçinin ölkənin aran rayonlarında güclü yağış yağacaq.
Bu, çaylarda suyun səviyyəsinin artmasına və sellərə səbəb olacaq.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz