Yeni il ərəfəsində hakimiyyət paytaxtın mərkəzindəki bir sıra köhnə obyektlərin və tikililərin sökülməsi işlərini sürətləndirib. Nəsimi rayonunda keçmiş Ketsxoveli küçəsində yerləşən Bakı Baş Polis İdarəsinin keçmiş beşmərtəbəli binası da sökülən obyektlərdən biridir.
Sovet dövründən qalan bu bina demək olar ki, iki ildir ki, boş qalmışdı, lakin bir necə günün içində sökülüb. Onun yerində nə tikiləcəyi hələlik məlum deyil. Qeyri-rəsmi məlumatlara görə, burada 36 mərtəbəli yaşayış binasının inşası planlaşdırılır.
Əvvəllər “Sahil” metro stansiyasının yaxınlığında yerləşən tikiş fabriki də sökülür. Söküntünün aparıldığı əraziyə üzərində memarlıq binasının əks olunduğu lövhə qoyulub və çox güman orada həmin bina tikiləcək.
Ümumilikdə, meriya nümayəndələri mərkəzdə və şəhər ətrafında köhnə binaların sökülməsi ilə bağlı geniş planlardan danışır. Əsasən yeni ildə gələcək Qış bulvarı ərazisindəki (Mirzağa Əliyev küçəsi), keçmiş Sovetski və hərbi hospitalın ərazisindəki evlərin söküntüsü davam etdiriləcək.
Bundan əlavə, Bayıl qəsəbəsində, Crystal Hall ərazisində yeni bulvara yaxın birmərtəbəli evlər və köhnə binalar sökülür. -02B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz