Penitensiar Xidmət Faiq Əmirova tibbi yardım göstərməkdən imtina edir. Bunu Turan-a “Azadlıq” qəzetinin maliyyə direktoru, həbsdə olan Faiq Əmirovun həyat yoldaşı Lalə Əmirova bildirib.
“Faiq mədə xorasından əziyyət çəkir. O, pəhriz yeməkləri qəbul etməlidir. Ancaq təcridxana şəraitində bu, mümkün deyil və hakimiyyət onun müalicəsi üçün heç bir iş görmür”, - L.Əmirova qeyd edib.
Öz növbəsində vəkil Aqil Layıcov Turan-a bildirib ki, xəstəliyi təsdiq edən bütün sənədlər Penitensiar Xidmətə təqdim olunub. Ancaq ona yardım göstərilməsi üçün real addımlar atılmır. Nəticədə Faiq həbsdə 20 kq. arıqlayıb.
“Onun səhhətini nəzərə alaraq, hakimiyyət ən azı insanlıq naminə həbs qətimkan tədbirini ev dustaqlığı ilə əvəz etməlidir. Lakin hakim bununla bağlı vəsatətimi təmin etməyib”, - vəkil vurğulayıb.
Penitensiar Xidmətin mətbuat xidmətindən F.Əmirovun vəziyyəti ilə bağlı məsələnin şərhindən imtina edərək Ədliyyə Nazirliyinin Baş Tibb İdarəsinə müraciət olunmasını tövsiyə ediblər. İdarənin rəis müavini İftixar Qurbanov “məsələni diqqətdə saxlayacağını” bildirib.
Xatırladaq ki, “Azadlıq” qəzetinin maliyyə direktoru Faiq Əmirov Fətullah Gülənlə əlaqələr və dini ədavətin qızışdırılması kimi uydurma ittihamla həbs olunub. Ancaq istintaq özünün irəli sürdüyü ittihamları çox tez “unudub”. Belə ki, prokururluq “Azadlıq” qəzetinin qanunsuz maliyyələşdirilməsinə sübut axtarır və vergidən yayınmaya təsdiq tapmağa çalışır. Hakimiyyətin məqsədi ölkənin sonuncu müxalifət qəzətini birdəfəlik susdurmaqdır.03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz