Bu gün saat 16 radələrində qara maskada olan bir oğlan jurnalist Pərviz Həşimlinin evinin qapısının kilidini açıb evə daxil olmağa cəhd edib. Bu barədə həbsdə olan jurnalistin həyat yoldaşı İlahə Həşimli Turan-a bildirib.
Onun sözlərinə görə, jurnalistin evinin qapısı döyülməyib, maskalı şəxs qapını açmağa cəhd edərkən İlahə Həşimli səs eşidib və qapının gözlüyündən onu görüb. O, Həşimlinin sorğusuna cavab verməyib. Bu zaman İ.Həşimli polisə zəng vurub. Maskalı şəxs tez zamanda ərazini tərk edib.
Binəqədi rayon Polis İdarəsinin 29-ciu polis bölməsi jurnalistin evinə gəlib və izahat alıb.
İlahə Həşimli hadisədən özünün və azyaşlı övladının həyəcan keçirdiyini bildirib.
“Bizim Yol” qəzetinin müxbiri, hüquq müdafiəçisi Pərviz Həşimli sentyabrın 17-də qara maskalılar tərəfindən həbs olunub. Qara maskalı şəxslər onun evində axtarış aparıb. Milli Təhlükəsizlik Nazirliyinin İstintaq Baş İdarəsi Pərviz Həşimli ilə bağlı odlu silahın və döyüş sursatının qaçaqmalçılığı, odlu silah, onun komplekt hissələrini və döyüş sursatını əldə etmə, saxlama, daşıma ittihamları ilə cinayət işinə başlayıb. -03B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz