“Pilot layihə” ləğv edilib, ancaq qanunsuz məhkəmə qərarları qalıb

Bakı/21.12.19/Turan: Dekabrın 18-də  Nazirlər Kabineti Bakıda yaşayış evlərinin sökülməsi və onların yerində yeni yaşayış binalarının inşası (“pilot layihə”) ilə bağlı 25 fevral 2016-cı il tarixli 86N-li qərarını ləğv edib. Qərarda Bakının Səbayel, Sabunçu, Xətai, Xəzər, Binəqədi, Suraxanı, Nizami, Yasamal, Qaradağ, Pirallahı, Nəsimi rayonlarında sosial-iqtisadi inkişafın sürətləndirilməsindən danışılırdı. https://cabmin.gov.az/az/document/4141/

86 saylı qərar öz mənzillərindən çıxmaq istəməyən, kompensasiyanın məbləği ilə razılaşmayan və ya tikinti şirkətlərinə inanmayan paytaxt sakinlərindən narazılığına səbəb olmuşdu.

Ləğv edilmiş qərarda rayon icra hakimiyyəti inşaatçı seçmək hüququnu özündə saxlayırdı ki,  bu da sakinlərin seçimin qanuniliyinə inanmamasına və tikinti şirkətinin yeni binanı müqavilə müddətində inşa edəcəyinə şübhə etməsinə əsas verirdi. Əsasən Bayıl qəsəbəsinin (Bakının Səbayel rayonu) sakinləri icra hakimiyyətinin təqdiq etdiyi “Sabah Residense” inşaat şirkətinin tarixçəsini araşdırdılar və məlum oldu ki, şirkət əvvəllər paytaxtın başqa bir rayonunda sakinlərin analoji iddiası üzrə məhkəmə prosesini uduzub və  şirkətin nizamnamə kapitalında tikinti üçün kifayət qədər vəsait yoxdur.

Turan agentliyi bildirib ki, Bakı şəhəri, Səbayel rayonu, Əlibəy Hüseynzadə küçəsi, 8 ünvanındakı çoxmənzilli binanın sakinləri Azərbaycan prezidentinə “son açıq məktub” ilə müraciət ediblər. Onlar bildiriblər ki, dəfələrlə prezidentə və birinci vitse-prezidentə məktub göndəriblər, lakin müraciətləri cavabsız qalıb.Vətəndaşlar Nazirlər Kabinetinin 02.25.2016-cı il  tarixli 86 saylı qərarından istifadə edərək sakinləri özəlləşdirilmiş mənzillərindən çıxmağa məcbur edən “Qala Group” tikinti şirkəti və onun yaratdığı “Sabah Residense” şirkətinin özbaşınalıqları barədə məlumat veriblər.

https://www.contact.az/ext/news/2019/5/free/Want%20to%20Say/ru/80874.htm

“Nazirlər Kabinetinin 02.25.2016-cı il tarixli 86 saylı qərarı ləğv edildi. Yalnız 2018-ci il  avqustun 1-dək  bir iş görə bilən tikinti şirkətləri işləri həmin sxem üzrə başa vura bilər. “Pilot layihə” bağlanıb. Buna baxmayaraq, sakinlərin çıxarılması və onların evlərinin qəzalı elan edilməsi barədə məhkəmə qərarları qüvvədə qalıb. Həll olunmamış məsələ qalır: Məhkəmə qərarları ilə nə etməli? Onları heç kim ləğv etməyib. “Pilot layihə”yə düşən evin sakini Viktor Sapunkov baş verənləri Turan-a şərh edib.

Nazirlər Kabinetinin 86 saylı qərarının ləğvinin səbəblərindən biri sakinlərin Avropa İnsan Hüquqları Məhkəməsinə kollektiv şikayətləri ola bilər. Belə ki, şikayətlərdə sakinlər.

Azərbaycan Respublikasının da iştirakçısı olduğu İnsan Hüquqları və Əsas Azadlıqların Müdafiəsi haqda Avropa Konvensiyasının 1 saylı protokolunun birinci maddəsinə istinad ediblər. Sənəddə insanların mülkiyyət hüququndan və bu hüququn dövlət tərəfindən qorunmasından bəhs edilir. Qeyri-şəffaf “pilot layihə”nin hansı mənbələrdən maliyyələşdirildiyi hələ də məlum deyil.0—