![Pis hava şəraiti daha 3 gün davam edəcək](https://turan.az/resized/./turan-750-500-resize.webp)
Pis hava şəraiti daha 3 gün davam edəcək
Yaxın 2-3 gün ərzində Abşeron yarımadasında atmosfer təzyiqinin enməsi və rütubətli havanın üstünlüyü meteohəssas insanlarda diskomfort hissi yarada bilər.
Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, aprelin 19-da Bakıda və Abşeron yarımadasında buludlu hava şəraitinin üstünlük təşkil edəcəyi, aprelin 18-dən 19-na keçən gecə yarımadanın bəzi yerlərində qısamüddətli az yağış yağacağı gözlənilir. Mülayim şimal küləyi əsəcək. Gecə 4-9, gündüz 10-15 dərəcə isti olacaq.
Azərbaycanın rayonlarında isə aprelin 19-da gecə və axşam bəzi dağlıq və dağətəyi rayonlarda yağıntı olacaq. Səhər saatlarında bəzi yerlərdə duman olacaq, şərq küləyi əsəcək. Gecə 3-8, gündüz 10-15 dərəcə isti, dağlarda gecə 0-5, yüksək dağlıq ərazilərdə 5-10 dərəcə şaxta, gündüz 1-6, bəzi yerlərdə 8 dərəcəyədək isti olacaq.
Milli Hidrometeorologiya Departamentinin məlumatına görə, aprelin 17-si gün ərzində, 18-i gecə və səhər ölkə ərazisində hava şəraiti təzadlı dəyişib, əksər rayonlarda yağıntılı olub, dağlıq rayonlarda qar yağıb.
Qar örtüyünün hündürlüyü Altıağacda 5 sm, Daşkəsən, Gədəbəydə 2 sm, Hacıkənd, Naftalanda 1 sm təşkil edib.
Aprelin 17-də havanın orta sutkalıq temperaturu Bakıda iqlim normasından 3-4 dərəcə aşağı olub, maksimal temperatur Bakıda və Abşeron yarımadasında 8-11, aran rayonlarında 9-12, dağlıq rayonlarda 0-5, Naxçıvan MR-da 14-19 dərəcə isti təşkil edib. -03D-
-
- Cəmiyyət
- 18 Aprel 2013 16:26
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz