Ümummilli Lider Heydər Əliyevin 90 illiyinə həsr olunmuş mini futbol turniri başlayır

Aprelin 20-də “AtaBank” ASC-nın dəstəyi ilə “AtaHolding” Şirkətlər Qrupunun əməkdaşları arasında  Ümummilli Lider Heydər Əliyevin 90 illik yubileyinə həsr olunmuş mini futbol turniri start götürəcək. Yarışda müxtəlif adlarda “AtaHolding” Şirkətlər Qrupuna daxil olan şirkətlərin futbol komandaları mübarizə aparacaqlar. 

Püşkatma mərasimində “AtaBank” ASC İdarə Heyətinin sədr müavini Etibar Babaşlı turnirin əhəmiyyətindən danışaraq, ulu öndərin idmana olan diqqət və qayğısını ön plana çəkib: “Bu yarış Ümummilli Lider Heydər Əliyevin 90 illik yubileyinə həsr olunub. Ulu öndərimiz idmana həmişə qayğı və dəstək göstərib. Onun ölkəmizə rəhbərlik etdiyi vaxtlarda Azərbaycan dünyada bütün sahələrlə yanaşı, idmanda da böyük nailiyyətlər əldə edib. Ümummilli Lider Heydər Əliyev həmişə idmançıların dostu olub və indi də bu yolu cənab İlham Əliyev uğurla davam etdirir. Məhz cənab İlham Əliyevin Milli Olimpiya Komitəsinə prezident seçilməsindən sonra müstəqil Azərbaycan idmanı intibah dövrünə qədəm qoyub. Artıq bütün dünya təmsilçilərimizi ciddi rəqib sayır və onlarla ayaqlaşır. İnanıram ki, bizim keçirdiyimiz turnir uğurla başa çatacaq. Arzu edirəm ki, qoy güclü qalib gəlsin”.  

Turnirdə ümumilikdə 16 komanda 4 qrupda gücünü sınayacaq. 15 apreldə komandaların nümayəndələrinin iştirakı ilə püşkatma oldu. Püşkatmanın nəticəsi aşağıdakı kimidir: 

A qrupu

“RENCONS”

“Bank VTB”

“Embarqo”

MXD

B qrupu

“Synergetic”

“AtaHolding”

“First United”

“AtaCard”

C qrupu

“FC Cybernet”

“Excelsior Hotel”

“Buta”

“No Name”

D qrupu

“Gobustone”

“AtaTexnologiya”

“Red Defils”

“Sumqayıt”

Reqlamentə əsasən öz qrupunda birinci yeri tutmuş komandalar növbəti mərhələyə çıxır. Turniri AFFA-dan olan hakimlər qrupu idarə edəcək. –15D--