Polad Aslanov
Bakı/30.05.22/Turan: Jurnalistin Polad Aslanovun xanımı 1 saylı koloniyada həyat yoldaşına qarşı yeni təxribatlar barədə bildirib.
Onun sözlərinə görə, aprelin 1-də həyat yoldaşını vurmuş məhbus yenidən təxribatlar törədir: bu məhbus onun saxlandığı kameraya girir, onu çirkin, ədəbsiz sözlərlə təhqir edir.
"Polad bilir ki, bu məhbus administrasiya ilə əməkdaşlıq edir və o, rəis müavinindən təxribatların dayandırılmasını tələb edib. Buna cavab olaraq rəis müavini Çingiz Xadıyev deyib:"Sən kişi deyilsən? Sən də onu söy, vur". Onlar açıq-aşkar Poladı hüquqazidd əməllərə təhrik etmək istəyirlər", - Aslanova deyib.
“Onlar yaxşı bilirlər ki, mən etiraz aksiyaları təşkil edəcəyəm, hüquq-mühafizə orqanları, dövlət rəhbərlərini tənqid edəcəyəm. Bəlkə ölkə rəhbərlərini açıq tənqid etmək kiməsə sərf edir?", - Aslanova deyib.
O qeyd edib ki, mayın 31-də Penitensiar Xidmətə gedəcək və qurum rəhbərliyilə görüş tələb edəcək.
"Ya təxribatların arxasında Penitensiar Xidmət özü dayanır, ya da bu, daha yüksək dairələrin işidir. İstənilən halda, həyat yoldaşımın təhlükəsizliyi, sağlamlığı və həyatı üçün dövlət məsuliyyət daşıyır və mən dövlətdən bu öhdəliklərə bütün mümkün qanuni vasitələrlə, o cümlədən etiraz aksiyaları ilə əməl olunmasını tələb edəcəyəm", - Aslanova bildirib.
O həmçinin qeyd edib ki, son vaxtlar Ombudsman Aparatı həyat yoldaşına qarşı təxribatlar barədə şikayətləri araşdırmaq istəyinə reaksiya vermir.
Xeberman.com saytın təsisçisi və rəhbəri Polad Aslanov 2019-cu ilin iyununda dövlətə xəyanət ittihamı ilə həbs edilib və 16 il müddətinə azadlıqdan məhrum olunub. Hüquq müdafiəçiləri onu siyasi məhbus kimi tanıyıblar. Fevralın 24-də Ali Məhkəmə onun həbs müddətini 13 ilə endirib. 06B
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz