![Polis generalı keçmiş XİN başçısının avtomobilinə həbs qoymağı əmr edib? (Video)](https://turan.az/resized/media/2017/main/030200184577-750-500-resize.webp)
Polis generalı keçmiş XİN başçısının avtomobilinə həbs qoymağı əmr edib? (Video)
Dünən axşam yol polisi Azərbaycanın keçmiş XİN başçısı, Fövqəladə və Səlahiyyətli səfir Tofiq Zülfüqarovun avtomobilini əlindən alıb. Bu barədə o özü facebook səhifəsində yazıb.
Hadisə axşam Mərdəkan yolunda baş verib.
"Heydər Əliyev prospektində arxamçağı gələn bir maşın bütün zolaqlarda hərəkətin intensiv olmasına baxmayaraq, ciddi-cəhdlə uzaq işıqları yandırıb-söndürür, gözümü qamaşdırır və yolda əsəbi-isterik vəziyyət yaradırdı. İmkan yaranan kimi, mən onu önə buraxdım, bundan sonra avtomobil sürəti azaltdı və sanki artıq tələsmirdi. Sonra mənə aydın olmayan səbəblərdən 120 km/s sürətə icazə verildiyi halda, o, əylənməyə başladı. Qarşımda qeyri-adekvat və aqressiv sürücü olduğunu anlayaraq, işıqla ona işarə verərək, onu ötdüm və sağ zolağa keçdim. Sonra o, yenə məni ötdü və irəli getdi", deyə Zülfüqarov yazır.
Bundan sonra Zülfüqarovu patrul maşını saxlayıb, müfəttiş onun qaydaları pozduğunu iddia etməyə başlayıb. Məlum olub ki, bu, hansısa yüksək vəzifəli polis məmuru idi.
"Patrul işçiləri böyük hörmətlə sənədlərimi yoxladılar, alkoqol testi eledilər, bundan sonra mənə bildirdilər ki, həmin maşında şəhər polis idarəsinin hansısa generalı var idi. Patrul işçiləri bildirdilər ki, onlara mənim avtomobilimi cərimə meydançasına çəkmək əmr olunub. "Niyə?" sualıma cavab veriblər ki, irad bildirə bilmirlər, buna görə mənə heç protokol da verməyiblər. Mehribancasına söhbət edib, onların əmrinə tabe oldum, bundan sonra onlar məni evimə gətirdilər", deyə Zülfüqarov qeyd edir.
Sözlərinin sübutu kimi o, registratordan video yerləşdirib.
"Mənim iki sualım var. İstəmədən xətrinə dəydiyim bu hörmətli "sinyor" kimdir (avtomobilin nömrəsi aydın görünür - 10 AA 102) və daha təcrübəli sürücülər mənim maşın sürməyimdə hansı səhvləri görəcəklər? Bu gün (martın 1-də) axşam başıma bax belə hadisə gəlib, çox sağ olsun ki, bu tanımadığım general "əlahəzrətə" lazımi hörməti göstərmədiyimə görə məni ailəmin gözləri önündə güllələməyi əmr etməyib. Düzünü desəm, mənim rütbəm ən yüksək diplomatik rütbədir və general rütbəsinə bərabərdir. Mən bu rütbəni 1998-ci il yanvarın 15-də Prezident Heydər Əliyevin sərəncamı ilə almışam və onunla həmişə qürur duymuşam və duyacağam", deyə Zülfüqarov yazıb.
Turan agentliyinin Zülfüqarovun hansı qaydaları pozması barədə sorğusuna cavabda Bakı Şəhər Yol Polisinin ictimaiyyətlə əlaqələrə görə məsul nümayəndəsi bildirib ki, maşın saxlanılıbsa, deməli pozuntu olub. Vətəndaş bununla razı deyilsə və ya hüquqlarının pozulduğunu hesab edirsə şikayət edə bilər, şikayətə diqqətlə baxılacaq, deyə o əlavə edib. –06D-
-
- İqtisadiyyat
- 2 Mart 2017 14:21
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz