Bakı/20.02.20/Turan: 76 saylı Lənkəran-Astara seçki dairəsinin 16 saylı məntəqə seçki komissiyasında məşvərətçi səs hüququna malik müşahidəçi Jalə Bayramovanın döyülməsi faktı ilə bağlı hələ də cinayət işi açılmayıb.
Turan agentliyinin Lənkəran polisinə göndərdiyi sorğuya cavab olaraq bildiriblər ki, zərərçəkmiş təkrarən tibbi ekspertizadan keçməlidir.
Bayramovanın şikayətini araşdıran təhqiqatçı Ayxan Ağalı əlavə şərhdən imtina edərək, işin niyə açılmadığını və ya zəzərçəkmişin şikayətinə baxılmasının hansı mərhələdə olduğunu açıqlamayıb.
Xatırladaq ki, səsvermə günü Bayramova pozuntu qeydə alıb və bunu videoya çəkib. Saxtalaşdırma törədən qadın Bayramovaya hücum edib və onu məntəqə seçki komissiyasının üzvlərinin gözü qarşısında saçlarından tutub sürüyüb. Komissiya üzvləri baş verənləri müşahidə edib.
Sosial şəbəkələrdə yayılan məlumata görə, Bayramovaya hücumu DSK katibi Mübariz Əmirov təşkil edib, hücum edən qadın isə nə müşahidəçi, nə də komissiya üzvü olan Azadə Kərimovadır.
* Bayramova Demokratiya və Rifah Hərəkatının lideri Qubad İbadoğlunun qızıdır. Onun sözlərinə görə, polis işi "cinayət tərkibi olmaması ilə əlaqədar" ört-basdır etmək istəyir.
Bayramova Lənkərandan qayıtdıqdan sonra Bakıda City Hospital-da tibbi müayinədən keçib. Ona yetirilmiş bədən xəsarətləri qeydə alınıb və xəstəxana kağızı açılıb. Amma növbəti gün baş həkim yuxarıdan gələn göstərişə əsasən bütün tibbi rəyləri ləğv edib.
"Jaləyə deyiblər ki, sənə görə az qala klinikamızı bağlayacaqdılar, bir daha buraya gəlmə", deyə İbadoğlu bildirib.
İki gün əvvəl Bayramova DİN-in İctimai Təhlükəsizlik İdarəsinə çağırılıb, o, buraya vəkili Fariz Namazlı ilə birlikdə gedib. Qızı yenidən Lənkərana göndəriblər, orada ümumiyyətlə seçkilərə niyə rayona gəldiyini deyərək, onun özünü günahkar çıxarıblar.
Təhqiqatçı ona Bakıda şəhər kliniki tibb mərkəzində yenidən ekspertizadan keçməyi təklif edib. Əks halda materiallar prokurorluğa göndəriləcək, nə ediləcəyinə orada qərar veriləcək.
"Bütün bunlar hakimiyyətin bu cinayəti gizlətməyə çalışdığını göstərir", İbadoğlu belə hesab edir. -06D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz