“Siyasi məhbuslarsız Azərbaycan” ictimai alyansının koordinatoru Oqtay Gülalıyev iyunun 26-da saat 16.00-da Bakı şəhər Baş Polis İdarəsinə çağırılıb. Ona idarəyə çağırılmasının səbəbləri haqqında məlumat verilməyib.
Bir neçə gün əvvəl də Gülalıyev oğlunun 2013-cü il prezident seçkiləri ərəfəsində bıçaq yarası alması hadisəsinin araşdırılması bəhanəsi ilə polisə çağırılıb. Həmin vaxt Gülalıyev Milli Şuranın namizədi Cəmil Həsənlinin mətbuat katibi idi.
Gülalıyevin həmkarlarının fikrincə, onun polisə çağırılması hüquq müdafiə fəaliyyəti ilə bağlıdır. Onlar hesab edirlər ki, fəalı siyasi məhbusların müdafiəsindən uzaqlaşdırmaq üçün ona təzyiq göstərilir.
Belə ki, hüquq müdafiəçilərinin fəal işi siyasi məhbuslar probleminə beynəlxalq diqqət çəkib ki, bu da hakimiyyəti çətin vəziyyətə qoyur.
Xatırladaq ki, Gülalıyevə qarşı iki il əvvəl Sabirabad polisi tərəfindən irəli sürümüş rayonda iğtişaşlara çağırış ittihamı hələ də geri götürülməyib. Buna daşqından ziyan çəkmiş rayon sakinlərinin Gülalıyevi etiraz aksiyaında iştiraka dəvət etməsi bəhanə olub.
İki həftə əvvəl polis “Siyasi məhbuslarsız Azərbaycan” Alyansının digər nümayəndəsini – Elşən Həsənovu saxlayıb.
Saat 18 radələrində Gülalıyev polisdən çıxıb və Turan-a bildirib ki, idarəyə çağırılması oğlunun başına gələn hadisə üzrə cinayət işi ilə bağlıdır.
Polisin iddiasına görə, davaya əvvəlcə Gülalıyevin oğlu başlayıb və indi zərərçəkmiş olmasına baxmayaraq, ona qarşı cinayət işi açıla bilər.
Çox güman ki, polis bu yolla fəala siyasi məhbusların hüquqlarının müdafiəsinə son qoyması üçün təzyiq göstərir. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz