RF nümayəndə heyəti ATƏT PA-nın sessiyasında Azərbaycanın dəstəyinə ümid edir

Rusiya nümayəndə heyəti ATƏT PA-nın Bakı sessiyasında azərbaycanlı həmkarları ilə qarşılıqlı əməkdaşlığa ümid edir. Bu barədə Dövlət Dumasının spikeri Sergey Narışkin iyunun 27-də prezident İlham Əliyevlə görüşündə bildirib. RİA-Novosti məlumat yayıb.

  “Biz sanki doğma torpaqdayıq, özümüzü evimizdəki kimi hiss edirik. Bu, bizim hər zaman azərbaycanlı həmkarlarımız ilə müxtəlif beynəlxalq parlament meydançalarında, o cümlədən ATƏT-in Parlament Assambleyasında öz fəaliyyətimizi yaxşı koordinasiya edəcəyimizə əminlik yaradır”, - Narışkin vurğulayıb.

  O güman edir ki, ATƏT PA-nın yaxın sessiyasında diskussuya “qızğın, maraqlı, cəlbedici olacaq”. “Bu, bizi sevindirir, biz buna hazırıq, çünki həqiqət bizim tərəfimizdədir”, - o qeyd edib.

  Öz növbəsində prezident İlham Əliyev deyib ki, qarşıdakı sessiyada tərəflər ümumi yanaşmaları nümayiş etdirəcəklər. “Biz beynəlxalq həyatla bağlı vahid mövqe nümayiş etdirəcəyik”, -İ.Əliyev vurğulayıb.

  Onun sözlərinə görə, ikitərəfli münasbətlər prosesi dinamik inkişaf edir. Dövlət başçısı Narışkinin Azərbaycana səfərinin önəmini xüsusilə qeyd edib və deyib ki, münasibətlər bütün sahələrdə - siyasi, iqtisadi və humanitar – uğurla inkişaf edir.

 “Biz bütün istiqamətlərdə effektiv çalışırıq və bu əməkdaşlığın davamına ümid edirik”, - İ.Əliyev bildirib.

  Qeyd edək ki, 28 iyun-2 iyul ATƏT PA-nın sessiyasında Ukraynada vəziyyətlə bağlı xüsusi dinləmələr keçiriləcək. —06D--