Bakıda ATƏT PA-nın 23-cü illik sessiyası açılır

 Şənbə günü saat 14:00-da Bakıdakı    Fairmont otelində ATƏT-in Parlament Assambleyasının 23-cü illik sessiyası açılır. Tədbirdə 50-dən çox ATƏT ölkəsindən 300-dən çox deputat iştirak edəcək.

Sessiya “Helsinki – 40 il sonra: hamı üçün insan təhlükəsizliyi yolunda” devizi ilə keçiriləcək.

Sessiyanın açılışında Azərbaycan prezidenti İlham Əliyev, İsveçrə prezidenti, ATƏT-in hazırkı sədri Didye Burkhalter çıxış edəcəklər.

Şənbə günü plenar sessiyada Rusiya Dövlət Dumasının sədri Sergey Narışkin və Ukrayna Ali Radasının vitse-spikeri Ruslan Koşulyanskinin çıxışları  planlaşdırılıb.

İyulun 1-də Ukrayna üzrə xüsusi dinləmələr planlaşdırılıb.

Bundan əlavə, “Ekstremizm, radikalizm və ksenofobiyanın artması: ATƏT regionu üçün çağırışlar” mövzusunda xüsusi dinləmələr planlaşdırılıb.

Sessiya iyulun 2-də Bakı bəyannaməsinin qəbulu ilə başa çatacaq. Sənəddə siyasət, təhlükəsizlik, iqtisadiyyat, ətraf mühit və insan hüquqları sahəsində tövsiyələr əksini tapacaq.

Sessiyanın sonunda Büroya seçkilər olacaq. Bundan-əlavə, komitələrin vəzifəli şəxslərinin və bir neçə vitse-prezident seçkisi olacaq.

Şənbə  günü plenar iclasda öncə ATƏT-in Daimi komitısinin iclası olub. İclasda prosedur məsələlərnə vbaxılıb və təşkilatın 2014-15-ci illər üçün büdcəsi təsdiqlənib.06C--