Bakı/29.06.17/Turan: Bakı şəhər Baş Polis İdarəsi öz saytında keçmiş diplomat Arif Məmmədovun və Tələbə Qəbulu üzrə Dövlət Komissiyasının keçmiş mətbuat katibi Elnur Nağızadənin axtarışı barədə məlumat yerləşdirib.
Məmmədov barəsində məlumatlarda deyilir ki, o, CM 179.3.2-ci (böyük ölçüdə mənimsəmə və ya israf) maddəsində nəzərdə tutulmuş ittihamla axtarışdadır.
Nağızadə CM-in 178.3.2-ci (fırıldaqçılıq, böyük ölçüdə ziyan vurmaqla törədildikdə) maddə ilə ittiham olunur.
Maraqlıdır ki, Azərbaycan Baş Prokurorluğu hələ 2015-ci ildə bildirib ki, Məmmədov barəsində qiyabi olaraq həbs qətimkan tədbiri seçilib və İnterpol milli bürosuna Məmmədov barəsində axtarış elan edilməsi haqqında müraciət göndərilib.
Məmmədov 2000-2006-cı illərdə Brüsseldə Azərbaycanın Aİ nümayəndəliyinə, 2007-2012-ci illərdə isə Strasburqda Avropa Şurasının daimi nümayəndəliyinə rəhbərlik edib.
2013-cü ildən o, Aİ nəzdində İslam Əməkdaşlıq Təşkilatının nümayəndəsi olub.
Məmmədovun cinayət təqibi 2015-ci ilin mayında Bakının Binəqədi rayonunda 15 nəfərin həyatına son qoymuş yanğına görə məmurları tənqidə məruz qoymasından sonra başlayıb.
Xarici diplomatik mənbələrdən daxil olan məlumata görə, Məmmədov Aİ və AŞ nəzdində nümayəndəsi olarkən insan hüquqları ilə bağlı problemlərin həllinin və liberal siyasi kurs tətbiq edilməsinin tərəfdarı olub.
Məmmədov özü hələlik paytaxt polisinin saytındakı barəsində axtarış elan edilməsi haqqında məlumatla bağlı heç bir şərh verməyib. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz