Avqustun 2-də saat 18 radələrində onlarla jurnalist metronun “Nizami” stansiyasının yaxınlığında saxlanılıb. Onlar avtobusa mindirilərək, 27 saylı Yasamal rayon polis bölməsinə aparılıblar.
Saxlanılanlar arasında “Azadlıq” radiosunun icmalçısı X.İsmayılovaya dəstək aksiyasında iştirak etməyə və aksiyanı işıqlandırmağa hazırlaşan çoxsaylı KİV-lərin müxbirləri var.
Polislər bizə “Çəkmək olmaz, işıqlandırmaq olmaz! – deyə qışqıraraq, avtobusa itələyirdi, deyə Turan-ın fotoreportyoru Etimad Budaqov telefonla məlumat verməyə müvəffəq olub.
Xatırladaq ki, qadın jurnalistlər Xədicə İsmayılovaya qarşı qarayaxma kampaniyasına etirazlarını və onunla həmrəyliklərini bilirmək üçün jurnalistin fotoşəkilləri ilə şəhərin mərkəzinə doğru səssiz yürüş etmək niyyətində idilər.
Son günlər hakimiyyət hökumətin yüksək eşelonlarında korrupsiyanı ifşa edən jurnalistə qarşı yeni təqib və şantaj kampaniyasına başlayıb. -02В-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz