Politoloqlar Laçın yolunda nəzarət-buraxılış məntəqəsinin yaradılmasını və Qarabağda tam hərbi nəzarət tələb edirlər

Bakı/06.03.23/Turan: Bazar günü Qarabağda hər iki tərəfdən adamların ölümü ilə nəticələnən eskalasiya azərbaycanlı ekspertləri radikallaşdırıb.

"Cənubi Qafqaz" politoloji klubunun rəhbəri İlqar Vəlizadə sosial şəbəkədə yazıb ki, Avropa İttifaqının Cənubi Qafqaz üzrə xüsusi nümayəndəsi Klaarın Brüsseldə üçtərəfli formatda görüşün keçirilməsilə bağlı məsləhətləşmələr aparmaq üçün Azərbaycanda səfərdə olduğu günlərdə ermənilər silahlı təxribat törədib.

"Ermənilər Azərbaycan Silahlı Qüvvələrilə silahlı qarşıdurmanın gücləndirilməsi üçün Laçın marşrutundakı "yarıq" vasitəsilə ölkəmizin Qarabağ bölgəsinə silah, mina və digər vasitələr daşımaq üçün təxribat törətmək qərarına gəliblər".

Vəlizadə baş verənlərdə niyyətin şifahi sülh razılaşmalarını ləngitmək olduğunu görür, lakin xəbərdarlıq edir ki, indi "2018-ci və 1992-ci illər deyil". Azərbaycan güc ilə cavab verə bilər.

Cənubi Qafqaz Araşdırmalar Mərkəzinin rəhbəri Fərhad Məmmədov qeyd edib ki, ermənilər Xankəndinin əsas yolu-Azərbaycan-Ermənistan şərti sərhədi və ya Yevlax-Xocalı - Laçın trası boyunca kənd yollarından istifadə edirlər; bu ərazi Rusiya sülhməramlı kontingentinin müvəqqəti məsuliyyət zonasına (eni 5 kilometr) daxildir -məsul olduqları yeganə şey. Ermənistan hərbçilərinin oradan keçməsi və Azərbaycan hərbçilərini qarşılaması Rusiya sülhməramlı kontingentinin vəziyyətə nəzarəti tamamilə itirdiyini göstərir; Azərbaycan tərəfinin itkiləri cavab reaksiyasına, məhz Qarabağda Ermənistan Silahlı Qüvvələrinin qalıqlarının hərbi infrastrukturunun məhvinə gətirib çıxarmalıdır, başqa cür ola bilməz!

Məmmədov @Mneniyefm resursunda yazır: Qarabağ ermənilərilə danışıqları təxirə salmaq lazım gələcək... ya da görüşmək və tərksilah haqqında açıq ultimatum vermək.

Ermənistan Silahlı Qüvvələrinin qalıqlarının Qarabağdan çıxarılması ilə bağlı Azərbaycanın əsas tələbi yerinə yetirilmir. Rusiya bəyan edir ki, onun tərksilah etmək və çıxarmaq funksiyası yoxdur və oxu Ermənistan rəhbərliyinə yönləndirir. Yəni, öz fəaliyyətsizliyinə bəraət qazandırmaq üçün mandatın olmamasından istifadə edir. Ancaq indiki eskalasiya rusların müvəqqəti məsuliyyət zonasının 5 kilometrliyində baş verib!

Əsas qərbli danışıqçılar bölgəyə gəlirlər: Avropa İttifaqından Klaar artıq Bakıdadır, onun ardınca ABŞ-dan Bono. Danışıqlar treki pozulmaq üzrədir. Ermənistan Silahlı Qüvvələrinin Qarabağdakı qalıqlarının timsalında danışıqlar prosesinə əsas maneə planlaşdırılan görüşlərin tam pozulması üçün təhlükəyə çevrilir. Yada salınır ki, avqustun 31-də Brüsseldə görüş "Qisas" əməliyyatından və ermənilərin Laçın, Zabux, Susdan çıxarılması və yeni yola keçməsilə bağlı Azərbaycanın ultimatumunun tam icrasından sonra baş tutub.

Nəzarət-buraxılış məntəqəsi mövzusu zərurətə çevrilir.

Martın 9-10-da Bakıda növbəti Qlobal Forum planlaşdırılır,  forumda Azərbaycan prezidenti ənənəvi çıxış edir. Hadisələr bu forumdan əvvəl də baş verə bilər ki, orada çıxış etsin və ya erməni tərəfinə xəbərdarlıq etmək üçün forum platformasından istifadə olunsun", -  F. Məmmədov hesab edir.

Milli Məclisin deputatı Rasim Musabəyov televiziyada öz baxışını açıqlayıb. O deyib ki, 5 mart hadisəsindən sonra təkcə Laçın yolunda nəzarət məntəqəsinin yaradılması məsələsi aktuallaşmayıb, həmçinin bütün ərazidə Azərbaycanın tam hərbi nəzarətinin həyata keçirilməsi zəruridir.

"Məlum olur ki, ermənilər təkcə Rusiya sülhməramlılarının dayandığı yollarda hərəkət etmirlər. Bütün ərazidə Azərbaycanın nəzarəti olmadan, bəlkə də Rusiya sülhməramlılarının iştirakı ilə, bu cür hadisələri istisna etmək çətin olacaq".

Martın 5-də səhər qısa döyüş zamanı Qarabağda Rusiyanın nəzarət zonasında 5 nəfər həlak olub: üç erməni zabit və iki azərbaycanlı hərbçi. Azərbaycan Müdafiə Nazirliyi və Xarici İşlər Nazirliyi separatçıları təxribatda ittiham ediblər. Hər iki nazirlik Laçın yolunda nəzarət-buraxılış məntəqəsinin yaradılmasının vacibliyini bəyan edib. –0—