![Preventiv Cavab qrupu Əvəz Zeynallıya qarşı rüşvət ittihamının ləğvini tələb edir](https://turan.az/resized/./turan-750-500-resize.webp)
Preventiv Cavab qrupu Əvəz Zeynallıya qarşı rüşvət ittihamının ləğvini tələb edir
“Xural” qəzetinin baş redaktoru Əvəz Zeynallının həbsi ilə bağlı yaradılmış Preventiv Cavab Qrupu çərşənbə günü RATİ-də mətbuat konfransı keçirib.
Qrup Ə.Zeynallının həbsində deputat Gülər Əhmədovanın əsas rol oynadığını xatırladıb. Amma son günlərdə G.Əhmədova ilə Azərbaycan Beynəlxlaq Universitetinin rektoru Elşad Abdullayev arasında rüşvət qalmaqalı ilə bağlı videoların yayılmasından sonra yeni situasiya yarandığı nəzərə çatdırılıb.
E.Abdullayevin deputat “seçilməsi” və 2003-cü ildən itkin düşən qardaşı Mahir Abdullayevin tapılması üçünı G.Əhmədovaya 2 milyon dollar rüşvət verməsinə toxunan qrup deputatın özünün dələduz sayıldığını bildirib. Belə adamın sözü ilə redaktorun həbsi və ona qarşı ittihamlar əsassız sayılıb. Qrup G.Əhmədovanın redaktoru şantaj və təxribatla həbsə məruz qoyduğunu bəyan edib. Buna görə də
Ə. Zeynallının hədə-qorxu yolu ilə deputatdan rüşvət almaq istəməsi epizoduna xitam verilməsi, qalan maddələr üzrə ittihamın ən aşağısı yenidən ibtidai istintaqa qaytarılması tələb olunub.
Qrup Ə.Zeynallının həbsində indiyə kimi məlum olmayan detallara da açıqlıq gətirib. Ə.Zeynallının məhkəməsində əsas şahidlərdən biri, Sabir Tanrıverdiyevin sədri olduğu Milli Dövlətçilik Partiyası Siyasi Şurasının 2011-ci il oktyabırn 8-də qəzetin əmlakını müsadirə olunması, qəzetin bağlanması haqda bəyanat yaydığını nəzər çatdırıb. Bəyanatdan 10 gün sonra qəzetin əmlakı müsadirə edilib, daha sonra qəzet bağlanıb, oktyabrın 28-də isə Ə.Zeynallı həbsə alınıb. Bu fakta istinadən qrup rəsmi Bakını Ə.Zeynallının həbsini sifariş verməkdə və sanksiyalaşdırmaqda ittiham edib. Qrup şahidlərin prosesə çıxan dövlət ittihamçısı tərəfindən təzyiq və hədə altında saxlandığını vurğulayıb. Belə ki, şahidlərdən hansı biri həqiqətə yaxın ifadə verməyə cəhd göstərəndə prokuror “yalan ifadəyə görə barəsində cinayət işi qaldırılacağı”nı xatırladıb. Bundan sonra şahid dərhal ibtidai istintaqda verdiyi ifadəni təsdiqlədiyin bəyan edib.
Eyni zamanda qrup oktyabrın 2-də keçirilən məhkəmə prosesində müttəhim Ə.Zeynallının ABU rektoru E.Abdullayevə müraciət ünvanladığını xatırladıb. Həmin müraciətdə Ə.Zeynallı rektordan bəzi qəzetləri Mətbuat Şurasının “qara siyahısı”na salaraq susdura bilmək üçün Şuraya nə qədər rüşvət verdiyini açıqlamasını istəyib.
*Əvəz Zeynallı deputat Gülər Əhmədovanın şikayəti əsasında 2011-ci il oktyabrın 28-də həbsə alınıb. Ona qarşı hədə-qorxu yolu ilə rüşvət almaq, vergidən yayınmaq, məhkəmə qərarını yerinə yetirməkdən yayınmaq maddələrilə cinayət işi başlanıb, hazırda məhlkəmə prosesi gedir.-05C-
-
- Cəmiyyət
- 3 Oktyabr 2012 15:15
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz