Prezident İlham Əliyev öz məmurlarını təkzib edir

Crystall Hall  konsert zalı “Eurovision” müsabiqəsi üçün tikilib. Bunu prezident İlham Əliyev ötən həftə Parisdə Fransa sənayeçilərinin MEDEF  təşkilatının üzvləri qarşısındakı çıxışında bildirib.

Xatırladaq ki, “Eurovision” müsabiqəsi ərəfəsində jurnalistlər və ekspertlər digər ölkələrdən fərqli olaraq Azərbaycanın müsabiqənin keçirilməsinə böyük vəsait ayılmasına diqqəti yönəltdikləri zaman məmurlar bunun əksini bildirirdilər. Maliyyə naziri Samir Şərifov bildirmişdi ki, “Eurovision” xərcləri cəmi 40 mln. manat təşkil edib.  Crystall Hall-un və 

Bayraq Meydanı ərazisində digər obyektlərin inşasına gəlincə isə  onlar əvvəlcədən planlaşdırılıb.

İlham Əliyev isə belə deyib: “Ən böyük idman və ya konsert zalı Crystall Hall məxsusi  olaraq “Eurovision” mahnı müsabiqəsi üçün nəzərdə tutulub. Bizim vaxtımız çox az idi və obyekt 9 aya tikilib. Bu idman sarayı 17 mindən 20 minədək adam tutur”.

Xatırladaq ki, Crystall Hall-un inşası 100 mln. manatdan çox vəsaitə başa gəlib. Lakin bu obyekti hansı qurumun idarə etdiyi hələlik məlum deyil. Son vaxtlar KİV-də kompleksin özəl mülkiyyətə verilməsi haqda məlumatlar yayılır.

Lakin Əmlak Məsələləri Dövlət Komitəsinin mətbuat katibi Qulu Xəlilov bu məlumatı təkzib edib. “Biz sarayı müəyyən olunmuş vaxtda tikdik və onun gələcək taleyi hökumət səviyyəsində həll olunub”, -Q.Xəlilov qeyd edib. Onun sözlərinə görə, kompleksin özəl mülkiyyətə verilməsindən söhbət belə gedə bilməz. —06D-