Minimal xərclərlə ВР Azərbaycandakı layihələrində böyük uğurlar qazanıb

“Azəri-Çıraq-Günəşli” və "Şahdəniz" yataqlarına, Bakı-Tbilisi-Ceyhan (BTC) neft və "Cənubi Qafqaz qaz kəməri"nə layihələr başlayandan 1 yanvar 2012-ci ilə kimi $34 mlrd xərc qoyulub. Bu barədə 2011-ci il üçün “BP-nin Azərbaycanda davamlı inkişafı” hesabatında bildirilir. 

Maraqlıdır ki, ВР-nin hesabatına görə, bu vəsaitlərin yarısı -$17,218 mlrd - 2007-2011-ci illərdə qoyulub.

Bu yaxınlarda ВР AÇG-yə kapital qoyuluşu barədə bəzi məlumatları açıqlayıb. 1 yanvar 2012-ci ilə kimi $27 mlrd, yəni şirkətin investisiyalarının 79,4%-i qoyulub. Bu, BP-nin Azərbaycanda və regionda ən kapital tutumlu layihəsidir. 

BP $27 mlrd xərcləyərək 1 yanvar 2012-ci ilə kimi “Azəri-Çıraq-Günəşli”dən  257,4 mln ton və ya 1,9 mlrd neft çıxarıb. 

Müqayisə üçün deyək ki, “Kaşaqan” yatağının işlənməsinin “Mərhələ-1” layihəsi çərçivəsində xərclər $38,6 mlrd (maksimal hasilat ildə 20 mln ton neft) qiymətləndirilirdi, indi şirkət büdcəni $46 mlrd-a artırmağı təklif edir. Nəzərə almaq lazımdır ki, AÇG-də 35 mln ton neft hasil etmək üçün istismar xərcləri $600-700 mln-dursa, “Kaşaqan”da 2 dəfə az hasilat üçün $1 mlrd tələb olunur. “Kaşaqan”da hasilat başlamayıb, ilk neft hasilatının vaxtını bu dəfə də dekabra keçirdilər. Məlum deyil, şirkətlər hökumətlə necə razılığa gələcək. --12В—