Bakı/14.08.17/Turan: Dövlət başçısı İlham Əliyev mədəniyyət sahəsinin inkişafı ilə bağlı Mədəniyyət və Turizm Nazirliyinə 6,987 milyon manat ayrılması ilə bağlı sərəncam hazırlayıb. Xəbəri "Prezident.az" saytı yayıb.
Xəbərə görə, bu vəsaitin 1,272 milyon manatı Bakının Maştağa qəsəbəsindəki H.Abbasov adına, 1,932 milyon manatı paytaxtın Qızıldaş qəsəbəsindəki Mədəniyyət mərkəzlərinin tikintisinin tamamlanması və təchizatının tamamlanması üçün nəzərdə tutulur.
Həmin vəsaitin daha 1,208 milyon manatı Şağan qəsəbəsindəki Mədəniyyət Mərkəzinin, 1.370 milyon manatı Nərimanov rayonundakı 21 saylı Musiqi Məktəbinin tikinti və təchizatının tamamlanması üçün ayrılıb.
Bərdə şəhərində yerləşən "Allah-Allah" türbəsinin bərpası işlərinin tamamlanması üçün isə 1,205 milyon manat vəsait ayrılıb. -05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz