Problemi Səudiyyə hava şirkəti yaratdı

Bu il zəvvarların qayıtmasında yaranan problemi nəzərə almasaq Azərbaycandan olan zəvvarlar eləı ciddi problem yaşamayıblar. Bu haqda Turana məlumatlı mənbələr bildirib.

Onlar qeyd ediblər ki, zəvvarlar ziyarətə Azərbaycan hav yolları vasitəsilə gediblər. Amma Səudiyyə qayıdanbaş  Səudiyyə hava yollarının xidmətindən istifadə etmək şərti qoyub. Başqa hava yollarının xidmətidnən istifadə olunmasına icazə verməyəcəyini bildirib. Mənbə qeyd edir ki, şərti irəli sürən şirkət kral ailəsinə yaxın qurum olub və bu şərt qəbul edilib. Amma şirkət öz götürdüyü öhdəliyi yerinə yetirməyib.

Mənbə bilkdirir ki, vəziyyət belə şəkil alanda Azərbaycanın Səudiyyədəki diplomatik kanalları, habelə Azərbaycan XİN-ə səviyyəsində məəsləyə müdaxilə edilib. Azərbaycan XİN azərbaycanlı zəvvraların əsassız olaraq aeroportda təyyarə gözləməsini ölkə vətəndşalarına hörmətsizlik kimi dəyərləndirib.

Mənbənin açıqlamasına görə, belə fars-major olan halda insanları zəruri maye və qida ilə təmin etməyi götürən şirkət bunu da etməyib. Azərbaycan həcc missiyasının təmsilçiləri Məkkə şəhrəindən zəruri qidaları alaraq aeroporta gətirməli oub.

Mənbə bir maraqlı açıqlama da edib. Bu il həcc ziyarəti zamanı Məkkədə bir-birinin ardınca baş verən hadisələri mənbə sanki hansısa bir gizli əlin Səudiyyə əleyhinə işləməsi kimi dəyərləndirib. Hətta bu hadisələr dövlət olaraq Səudiyyə Ərəbistanına etimadı sual altına qoyub. Mina dağındakı izdihamda çoxsaylı itkilərə toxunan mənbə Azərbaycanlı zəvvarların ziyarət əməlini başa vurmasından bir neçə dəqiqə sonra hadisənin baş verməsini “Allahın azərbaycanlı zəvvarlara rəhmi” kimi dəyərləndirib.

Mənbə bunu da deyib ki, sonunucu zəvvar dəstəsi cümə günü axşam Azərbaycana yola düşür və bununla da zəvvarların hamısının vətənə dönüşü başa çatır.

Son olaraq  daha iki zəvvarın xəstəxana şəratində olduğunu bildirərək yaxın bir neçə gündə onların da vətənə gəlişinin təmin olunacağını söyləyib.-05B-