![Prokuror A.Məmmədlini 9 il müddətinə həbs etməyə çağırdı](https://turan.az/resized/media/2014/main/052100079268-750-500-resize.webp)
Prokuror A.Məmmədlini 9 il müddətinə həbs etməyə çağırdı
Bakı Ağır Cinayətlər Məhkəməsində Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədlinin və digər iki fəalın – Bəşir Süleymanlı və Elnur Məmmədovun işi üzrə prosesdə dövlət ittihamçısı çıxış edib.
O, hər üç müttəhimi bütün ittiham bəndləri üzrə təqsirli bilməyi və Məmmədlini 3 il ərzində dövlət, özəl və ictimai qurumlarda vəzifə tutmaq hüququndan məhrum edilməklə 9 il, Süleymanlını 2 il ərzində vəzifə tutmaq hüququndan məhrum etməklə 8,5 il, Məmmədovu 2 il vəzifə tutmaq hüququndan məhrum etməklə 8,5 il müddətinə azadlıqdan məhrum etməyi təklif edib.
Prokuror həmçinin Süleymanlı və Məmmədov barəsində qətimkan tədbirini dəyişmək və onları məhkəmə zalında həbs etmək barədə vəsatət qaldırıb.
Təqsirləndirilənlərin vəkilləri yekun çıxışa hazırlaşmaq üçün 1 həftə vaxt istəyiblər.
Yalnız Məmmədlini hüquqlarını müdafiə edən Fariz Namazlı yekun sözlə çıxış edib. O, işin siyasi motivli olduğunu bildirib və müvəkkilinə bəraət verilməsini tələb edib.
* SMDT rəhbəri Anar Məmmədli, bu QHT-nin icraçı direktoru Bəşir Süleymanlı və Könüllülərin Beynəlxalq Əməkdaşlığı İctimai Birliyinin (KBƏİB) rəhbəri Elnur Məmmədov CM-in 5 maddəsi üzrə - vergi ödənişindən yayınmaq, qanunsuz sahibkarlıqla məşğul olmaq, vəzifə səlahiyyətlərindən sui-istifadə, böyük ölçüdə əmlak mənimsəmə və vəzifə saxtakarlığında ittiham olunurlar. Cinayət işi 2013-cü il oktyabrın sonlarında açılıb. Məmmədli dekabrın 17-də həbsə alınıb, digər iki şəxsdən isə ölkəni tərk etməmək haqqında iltizam alınıb.
Həbslərin əsl səbəbi Azərbaycanda 2013-cü ilin oktyabrında keçirilən prezident seçkilərinin saxtalaşdırılması haqqında rəy olub.
Amnesty İnternational Məmmədlini “vicdan məhbusu” kimi tanıyıb. -16D-
-
- İqtisadiyyat
- 21 May 2014 16:01
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz