Binəqədi rayon məhkəməsində gənc fəal Orxan Eyyubzadənin işi üzrə proses yekunlaşmaq üzrədir.
O, mayın 6-da NİDA fəalları barəsində hökmə qarşı etiraz aksiyasında iştiraka görə 20 gün müddətinə həbs edilib. Lakin həbs müddəti bitdikdən sonra ona qarşı 315.1-ci (hakimiyyət nümayəndəsinə qarşı güc tətbiq etmək) maddə ilə cinayət işi açılıb.
Bu gün prosesdə prokuror Eyyubzadənin 3 il müddətinə (maksimum cəza) azadlıqdan məhrum edilməsini istəyib. Bu zaman dövlət ittihamçısı yumşaldıcı halları – təqsirləndirilən şəxsin gənc olmasını, məhkumluğunun olmamasını və s. diqqətə almayıb.
Vəkil Əsabəli Mustafayev Eyyubzadənin cinayət təqibini əsassız və siyasi motivli hesab edir. O qeyd edib ki, Eyyubzadə ilə birlikdə saxlanılan şahidlər onun polisə qarşı güc tətbiq etdiyini təsdiq etməyiblər. Əksinə, polis Eyyubzadəni saxlayarkən döyüb.
Növbəti iclas oktyabrın 15-nə təyin edilib. İclasda vəkilin və təqsirləndirilən şəxsin özünün yekun çıxışı gözlənilir. -06B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz